الدكتورة : ليلى صالح
باللهجه الحجازيه الجميلة
ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟
بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا
وقالوا: وه ياندامة .. إيش هادا؟ أتْـرِنُّو إحنا لنا حقوق؟!
مادام كده ...
الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟
تحطوا ضوابط إصدار الرخص لمحلات الحلاقة مثلا؟
والا تناقشوا سفلتة الشارع اللي يودي على بيت أم إبتسام؟
والا ليه الشارع الفلاني ما فيه كوفيرة مغربية وكل اللي فيه مصريات؟
يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..
طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.
مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...
إن الثور يحس؟ .....لايمكن.
لكن هل يمكن يحصل هادا في السعودية؟ أبدا ..
واللي يبغى يجرب.... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟
وهل عندنا المرأة متساوية مع الرجل .. والا هي أحسن مِنُّو؟
قال حقوق المرأة .. قال.
منظر عام
رجال محترمين زي الورد واقفين أمام صراف في بنك .. وتِجي أختنا في الله
(اللي يقولوا إنها مهضومة الحقوق)
تتقدم للصراف( (ِATM مباشرة ولا على بالها من الطراطير اللي واقفين من ساعات ..
وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكس لارج
.. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال
.... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس !
ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل ...(! ويضطر الراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة ... هههه!
اقتصاديا
شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ...
والمرأة بسلامتها .. بقيمة أدوات مكياجها فقط ...
تقدر تفتح محل خياطة رجالي محترم . ويا ريت تحط من مكياجها في البيت.. لأ.
دا بَس للخروج ... وقيمة صباع روج والا علبة بودرة تساوي قيمة جوال جوزها
.. وكمان ازيدك من الشعر قصر .. مو بيت .. من حقوقها فستان لكل فرح. و مكياج.
وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.(
قال إيه! حقوق المرأة.
نفسيا
الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..
ويعني إيه عنده مشاكل في العمل؟! والا أقساط متأخره؟! وإلا فواتير؟! وإلا مقاضي ما يعرف كيف يجيبها؟!
مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) ....
والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغيٌر غرفة النوم؟ التلفون ما فيه حراره ...
جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رُومنسي.
بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..
حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.
ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
.
وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟
قال إيه؟ ... حقوق المرأة.
شرعا
المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم
أم ريوم ونانا @am_ryom_onana
عضوة فعالة
يلزم عليك تسجيل الدخول أولًا لكتابة تعليق.
ههههههههههه ايه والله يا اختي هم شاقين واحنا ما جبنالهم خبر
اللهجه الحجازيه كلها دلع ونعومه اموت فيها
اللهجه الحجازيه كلها دلع ونعومه اموت فيها
السلام عليكم و رحمة الله و بركاته
و الله هذا موضوع راااااااااااائع و مفيد و يوضح الحقيقة التي شوهها الغرب و إذا أردتم الأدلة على هذا الكرم اسألوا المغربيات لأنه عندنا مساواة بمعنى الكلمة و كما قالت اللأخت حالتنا رهيبة فالرجال في القطار أو في الحافلة لا يستغني عن مكانه ولو لامرأة حامل أو لعجوز.
و في الطوابير التي ننتظر فيها سيارات الأجرة و تكون طوووووووووويللللللللللللللللللللة و الله على المرأة الوقوف فيه وسط الرجال و بعض منهم يسرق مكانك فيسبقك.
ما أروي إلا ما عشته أو رأيته بأم عيني,
كما أن الرجال صاروا يعتمدون على المرأة في كل شيء من توصيل الأطفال للمدرسة حتى و إن كانت ربة بيت و شراء البقالة و دفع الفواتير وووووو و كل هذا جعل رجالنا غائبين عن أسرهم و لديهم من الفراغ ما يدفعهم في بعض الحالات ألى اللجوء للمحرمات لملء الفراغ الذي تتركه المرأة المشغولة.
و الآن في مجتمعنا سلبت المرأة كل حقوقها و لا تحترم أنوثتها و لا تعتبر أنثى إلا إذا أبرزت مفاتنها.
يا ربي يحفظكم من هذا و أقول لكل من اغترت بالنموذج الغربي و ظنت أن تلك حقوقها و حريتها و الله إنهن في جحيم تقاسي فيه المرأة منهن و تعاني و بعد كل هذا ترضى بنصف رجل يعاملها كصديقه لا دلال و لا رقة.
و الله لا أريد الكف عن الكتابة و لكن أكتفي بقول الله يهدي كل مسلمة و مسلم و يرزقهم تقواه ليتقوا الله في النساء
و الله هذا موضوع راااااااااااائع و مفيد و يوضح الحقيقة التي شوهها الغرب و إذا أردتم الأدلة على هذا الكرم اسألوا المغربيات لأنه عندنا مساواة بمعنى الكلمة و كما قالت اللأخت حالتنا رهيبة فالرجال في القطار أو في الحافلة لا يستغني عن مكانه ولو لامرأة حامل أو لعجوز.
و في الطوابير التي ننتظر فيها سيارات الأجرة و تكون طوووووووووويللللللللللللللللللللة و الله على المرأة الوقوف فيه وسط الرجال و بعض منهم يسرق مكانك فيسبقك.
ما أروي إلا ما عشته أو رأيته بأم عيني,
كما أن الرجال صاروا يعتمدون على المرأة في كل شيء من توصيل الأطفال للمدرسة حتى و إن كانت ربة بيت و شراء البقالة و دفع الفواتير وووووو و كل هذا جعل رجالنا غائبين عن أسرهم و لديهم من الفراغ ما يدفعهم في بعض الحالات ألى اللجوء للمحرمات لملء الفراغ الذي تتركه المرأة المشغولة.
و الآن في مجتمعنا سلبت المرأة كل حقوقها و لا تحترم أنوثتها و لا تعتبر أنثى إلا إذا أبرزت مفاتنها.
يا ربي يحفظكم من هذا و أقول لكل من اغترت بالنموذج الغربي و ظنت أن تلك حقوقها و حريتها و الله إنهن في جحيم تقاسي فيه المرأة منهن و تعاني و بعد كل هذا ترضى بنصف رجل يعاملها كصديقه لا دلال و لا رقة.
و الله لا أريد الكف عن الكتابة و لكن أكتفي بقول الله يهدي كل مسلمة و مسلم و يرزقهم تقواه ليتقوا الله في النساء
آذكــآر
•
(اللهم اني أسألك ساعة أجابة الدعاء لأدعوك وتستجيب لي ).
حسبي الله لاإله إلا هو عليه توكلت وهو رب العرش العظيم
اللهم اشفي مرضانا ومرضى المسلمين
حسبي الله لاإله إلا هو عليه توكلت وهو رب العرش العظيم
اللهم اشفي مرضانا ومرضى المسلمين
آذكــآر :
(اللهم اني أسألك ساعة أجابة الدعاء لأدعوك وتستجيب لي ). حسبي الله لاإله إلا هو عليه توكلت وهو رب العرش العظيم اللهم اشفي مرضانا ومرضى المسلمين(اللهم اني أسألك ساعة أجابة الدعاء لأدعوك وتستجيب لي ). حسبي الله لاإله إلا هو عليه توكلت وهو رب...
الصفحة الأخيرة
اموت في اللهجه الحجاااااازيه
والله يااختي صااااااادقه الحمد لله اني مسلمه وسعوووووووديه بعد
والله قدر ذا البلد مانعرفه الا اذا طلعنا بره
تصدقين مره رحنا الكويت تخيلي حريمهم وش يقولون لنا
انتو حريم السعوديه مدللين (مدلعين) لانكم ماتسوقو سيارات فازواجكم يودونكم ويجيبونكم
اما حنا كل شي علينا
وعلى قولت الدكتوره في رفاع الضغط انا رافعين ضغطي الي شيلين همنا
في سواقة السيااااااااااااره كأنه حد شكى لهم الحاال<<<الي شكت تقولي
حنااااااااا مانبي نسووووووووووووووووووووووووووق