اعطيكم قصة حياتي بليز اعطوني حل لحياتي

السلام عليكم ورحمة الله وبركاته


بنات انا بحكي لكم قصتي بالاول عشان الي تقدر تساعدني تكون عارفه وضعي

بنات انا امي وابوي منفصلين وكل واحد متزوج ومستقر بحياته الله يوفقهم

انا لي شقيق واحد وبقية اخوان

انا وشقيقي الضحيه هو ساكن عند مرة ابوي اللي مطفشه حياته

لكن *****الله ربي يوفقه ويخلص الثنوي ويطلع من عندها
اما انا فبعد زواج امي مباشره جاء ابوي واخذني ووداني عند مرته
ماراح اسبه ولا اقلل من قدرها
كثر الله خيرها تحملتني ثلاث سنوات
وقتها كان عمري 9سنه
بعد ثلاث سنوات انخطبت
لاتستغربون تزوجت وعمري12سنه
في سادس ابتدائي
المهم اني بعد الزواج ماكملت دراسه
جلست ثلاث سنوات وحملت بولدي البكر
بعدها ب4سنه حملت بالثاني
بس طول هالمده حياتي مخربطه
امالي محطمه
لا شهاده ولا حتى ابتدائيه
ولا شغل ولا شي
والمشكله ان وقتي ضايع
كاره نفسي كارهه زوجي واولادي ودي مااشوف احد
مرات لمن ازعل على زوجي اقول حسبي الله ونعم الوكيل على ابوي هو السبب
احيانن اقر مااسامحه
بس مهما كان هو ابوي والي سواه عشان مااقعد عند مرته
ماينلام
لمهم انا لي 9سنه متزوجه
واقوله وانا مستحيه بس الصدق
انا تزوجت وانا ماعرف حتى اسوي شاهي
ولا اعرف شي
وعلى طول في بيت لحالي
البيت على طول مكركب
الي يشوفني مايعطيني عمر20سنه
يعطيني اقل شي40
مااهتم بنفسي عيالي مبهذلين
ماني مستوعبه اني مسؤله عن بيت واسره
وربي اني اكتب والعبره خاقتني
زوجي مو انسان متفهم او متحضر عشان نتعايش
مع ان بيننا 10سنوات الا انا غير متفاهمين
مااطيق اسمع صوته
اكره كلامه
بس شسوي لازم اتحمل لني لو تطلقت ماعندي اي مكان اروح له
زوج امي مايبيني ولا زوجة ابوي
ولا ابي يصير في اولادي زي مصار لي ولاخوي
دايما ولدي الكبير من اتهاوش مع ابوه يقول لاتهاوشون
مستحيل انسى وهويقول لي انتي مالك احد
والاهناات الي تجيني وانا اسكت عشان اولادي
ماابي اكون حقوده بس والله انقهر لمن اشوف اخواتي من ابوي متفاهمين مع ازواجهم عشان تزوجو وهم يعرفون وش هم يسوون
اتمنى اغير حياتي
ابي انضم عمري
بي اصير ام مثاليه
وربت منزل ممتازه
مو مهم اكون زوجه رائعه بس ابي احقق احلامي
اتمنى لو كان عندي شهاده
ابي اكمل دراستي حتى لو محوى اميه
قبل مااولد بولدي الثاني رحت ادور على شهادتي لقيت المدرسه مضيعينها
شفتو كيف مقفله بوجهي

بنات انا علموني شسوي
ابي حياتي تصير افضل واطلع من الحاله النفسيه اللي اعيشها وربي مكبرتني عشر سنين
امانه الي تعرف حل يطلعني من حالتي لحاله افضل ماتبخل علي
والله يوفقها ويستر عليها دنيا واخره اللي بترد علي
بنات انا باحاول اكمل دراستي ادعولي اتوفق
اي في كلامها تجريح تسكت احسن نفسيتي ماتتحمل