اعطي امي فلوس والا ما اعطيها؟؟ علمووووني تكفون

السلام عليكم

تخيلي انك موظفه راتبك 4000 ريال
وزوجك مايعطيك مصروف بحكم انك موظفه
بس الحمدلله قايمه بنفسك ولاعندك نقص ماشاء الله
اللهم مو قادره توفرين..
لان كثير من الراتب يروح مجاملات وهدايا ومصروفات
غير المناسبات والاعراس اللي ماتخلص
بس مستورة الحمدلله


وتخيلي ان لك اخ مشاكله ماتخلص
مره سيارته خربت ومره انصدمت السياره
ومره انسرقت فلوسه ومره بيضطر يغير شقته
واخوك هذا مبتعث بالخارج..
وابوك رافض يرسل له فلوس.. ويقول يكفي مصروفه..
وابوك شايف ان اخوك اذا استمر كذا يرجع احسن له ولنا..
يعني طفشاااااان منه..

وامك 24 ساعه متضايقه ومتشوشه من هالولد ومكالماته وطلباته..
وهي مسكينه لاهي موظفة ولاعندها دخل..
فتجي عندك انتي يا بنتها.. وتقول يافلانه ساعديني حولي لاخوك..
طبعا من وراء علم الاب..
واذا قلتي لها يا يمه مايصير لازم ابوي يعرف هالامور؟
تزعل وتبكي وتقول خلاص ما ابي منك شيء..
وانتي عشان ماتكسرين خاطرها تحولين المبلغ بسكات..



بنات العام الماضي حولت 1500 وبعدها بشهرين حولت 2000
وبعدها بشهرين ثانيات برضو حولت 2000 ريال
وقالت لي امي وقتها هذي اخر مره..
وطبعا مارجع لي منها شيء.. لان ماعندها..
وانا نفسي نسيت السالفه..


القى امي اليوم طالعه لي بالصدمـــــــــــــــــــه
تقول اخوك محتاج 8000 ريال ضروري هالاسبوع!!!!!

تضايقت.. حاولت اكلمها ماسمعتني..
قالت انا ببيع ذهبي اليوم وابعطيك قيمته كاش..
وانتي حولي من الانترنت لانه ماعندي انترنت

طبعا هي واثقه ان المبلغ عندي
لانها كانت معي وانا اسحب من الصراف قبل اسبوعين
وشافت ان برصيدي 18 الف ريال
يعني لو ابحول لاخوي ماراح يبقى لي الا عشره بس
وانا اصلا عندي التزامات كثيره هالفتره..

قلت لها لاتبيعين ذهبك.. مايهون علي والله..
علمي ابوي.. ابوي لازم يعرف.. ابوي ماشاء الله مقتدر..
يا يمه انا موظفة كحيانه.. هالمبلغ اذا حولته ابحرم نفسي عن شغلات كثيره..


امي بكت.. وقالت انا لو أني موظفه ماصار ذا حالي..
قلت لها خلاص خلاص.. ابشري..
قالت اجل بروح اتأكد من عنوان اخوك اذا ماتغير بعد هالسنة



بنات انا مغتلقه مررررررررررررررررررررررره
وكرهت اخوي وطاريه.. مختنقه مختنقه مختنقه
راتبي ضعيف والتزامتي كثيرة والمبلغ اللي طالبته امي كبير
واخوي خلاص صار معتمد عليها



والغبنه ان عندي اخت مو متزوجه وراتبها ماشاء الله 8 الاف ريال
وماعندها التزامات ولاشيء.. وهي لسى صغيره..
وامي ماتفكر ابدا تعلمها.. للحين متكله علي..
ومصره اتحمل كل شيء لاني اكبر البنات



حسبي الله ونعم والوكيل