كيفكم يا اميرات عالم حواء
الحقيقة انا لي كم يوم بتابع موضوع بونشو حلم ميمي
لكن ما رديت على اي مشاركة لاني مشغولة شوي
وشفت كتير من العضوات حابين ورشة للبونشو وفي كمان يسألو عن الشرح
وبناءا على رغبة حبيبة قلبي ميمي وصدقا ميمي لها مكانه خاصة جدا جدا في قلبي
و كذلك بناءا على رغبة الكثير من الحوائيات العسولات انا رح اعملكم الورشة
وان شاء الله يقدرني على عملها واطلب من الله ان يساعدني وان اشرحها بوقت قصير
حبيباتي طبعا رح احطلكم صورة احدى البونشوات حتى تتذكرو الموديل
واللي حابة تسجل معنا اهلا وسهلا
واللي حابة تتابعنا من وراء الكواليس كمان اهلا وسهلا
الورشة لكل من يريد الاستفادة
وان شاء الله يسهل الامور

انا حابة اشرح شوية معلومات عن طريقة عمل البونشوات بشكل عام طبعا قبل ما نبدأ بالورشة
ملاحظة مهمة جدا ان كل موديل في الكروشية له ظروفه الخاصة به مثل نوع الخيط ومقاس السنارة
والمفاس المطلوب
لا تعمدي على عدد الغرز في البترون خاصة الملابس حتى لو كان نفس القياس
مثلا بترون البانشو الاحمر هو لعمر 6 شهور اذاكنت تر يدين ان تعمليه لطفل عمره 6 شهور ورح تعملي نفس البترون
احتمال ما يطلع نفس المقاس لانك ما بتعرفي سمك الخيط اللي في الصورة ورببما يختلف عن الخيط اللي عندك
اذن لازم تراعي نوع الخيط اللي عندك وتشتغلي على اساسه وفي هذه الحاله نستعمل طريقة القياس وهي محيط الرقبة للبونشو المفتوح وهي محيط الرقبة ونصف المحيط يعني اذا محيط الرقبة 20 بتعملي سلسلة طولها محيط الرقبة +نصف محيط الرقبة = 30سم والقياس يكون بمتر الخياطة من جهة السنتمرات مش من جهة البوصة انتبهي وقت القياس ان يكون ب السم
- بعد ان تعملي السلسلة عدي الغرز لديكي وقارني بعدد الغرز بالبترون
بالنسبة للبترون عدد غرزه من عند الفبة 68 غرزة
محسوبة كالتالي
8 غرز لحافة البانشو من الامام
عدد الاقسام 12 كل قسم غرزة عمود + 4غرز للتقسيم بين الاقسام اصبحو 5 *12= 60
- ------ غرزة التفسيم اللي في البترون لن اشرحها لانها صعبة على كثير من العضوات رح نغيرها بغرزة الصدفة او ثلاث غرز عمود امامية او بغرزة عمود امامية بلفتين فوق بعض وهذه الغرز الثلاث سهلة على الجميع لكن رح نعيد توزيع الغرز مرة اخرى عند البدء بالورشة
------ اذا بدنا نعمل البانشو مقفل من الامام رح يختلف لدينا محيط القبة لان فتحة البانشو يجب ان تناسب محيط الراس
صح ؟ لذلك اما بتعملي السلسلة محيط الرقبة مرتين اي 40 بدل 30
او بتعمليه = محيط الراس وطبعا كل واحدة عندها بنتها وبتقيس عليها
--------كثير من البنات بيسألوا انا اريد اعمل لعمر 3 سنوات او 5 او 4 وغيره احنا قلنا القياس يعتمد على محيط الرقبة او الراس
وانا اعطيكم محيط الرقبة لعدة اعمار حصلت عليها من احدي كتب شرح الخياطة
محيط القبة لعمر سنتين - 3 سنوات 20سم
لعمر 4 و سنوات 21 سم
لعمر 6 سنوات 22سم
لعمر 7سنوات 23 سم
لعمر 8 سنوات 24 سم
وانتي تختاري العمر الموديل المفتوح او المقفل
اما انا سوف اعمل الورشة لعمر سنتين وسوف استعمل خيط سميك وسنارة تمرة 5
وكل واحدة تستعمل الخيط والسنارة اللي بيتاسبها
--------- ملاحظة بالنسبة للخيطان انا استعمل السميك لان البانشو بدل جاكيت ويجب ان يكون ثقيل من اجل البرد
ولكن ملاحظة ان عدد غرز السلسة في الخيط السميك يكون اقل يعني لربما لعمر 6 شهور
ما يطلع عدد السلسلة 68 يمكن يطلع 58 علشان هيك كل وحد تعمل حسب خيطها وتقدرو تسألوني كل وحدة حسب
ظروف البونشو تبعها
طبعا هذا البانشو اللي حكينا عنه
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 540x743 و بحجم 66KB.
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 540x743 و بحجم 87KB.