اعمالي في الكروشية و التطريز

ازيكم يابنات مبسوطة اوي اني عضوة معاكم في المنتدى و اتعلمت منكم كتير كتير اوي و سعيده و فخورة باعمالي مع انها متواضعه جنب الشغل الهايل بتاع الاستاذات و مش ح اسمي حد كلكم هايلين انا لسه بابتدي و لسه عايزة اتعلم منكم و فعلا باحاول ..........................
انا كنت عايزة انزل الصور الخاصة باعمالي المتواضعة في الموضوع اللي عملته كويتيه فراوله بس و الله مش لا قياه النهارده مش عارفه ليه معلش و كمان حطيت صور فستان و بلوزة سواريه مطرزاهم بصوا ح نبتدي الاول بالبلوز الكروشية البيضاء اللي عملتها نزلت باترونها و كان تصميم البلوزه مختلف و ده اول عمل كامل ليا بعد ما اتعلمت الكروشية بشهر و البلوزه خيطها قطن ابيض :
http://hrof.net/im/index.pl/58321329710622401-29377.jpg
و ده شكل الغرزة من قريب
http://hrof.net/im/index.pl/40341329710622401-29379.jpg
مش ح اقولكم تعبت فيها بس انا عندي مشكلة في المقاس كل الناس بتقول شكلها حلو علياو مقاسها مناسب و جوزي يقولي لا دي ضيقة و من يوم ما خلصتها لبستها مرة واحده و مركونه في الدولاب.
اما البلوزة دي غرزتها سهله اوي لونها فراولي و خيطها مارسيليزيه ماما اللي عملتها لي :
http://hrof.net/im/index.pl/43361329710622401-29380.jpg
:10_1_103v :10_1_103v
و ده اول مرة امسك خيط و خرز و ترتر و كمان خرج نجف
http://hrof.net/im/index.pl/33431329710622401-29385.jpg
و نونا صاحبتي هي اللي شجعتني و اخدت الفرع ده من على بطانية و نقلته على الفستانو عملته بعد ما اتفصل .
اما البلوز دي فبتاعة تايير الجيبة نفس اللون و اخدت الرسمه من فستاه خطوبة كان عاجبني اوي بس الحمد لله انتوا وفرتوا عليا تعب البحث عن باترونات ربنا يخليكم
http://hrof.net/im/index.pl/44461329710622401-29388.jpg
و دلوقتي انا باشتغل في شال سواريه علشان فرح يوم الخميس باذن الله و باديه فيه امبارح انشاء الله اول ما يخلص ح اعرضه عليكم
اما بالنسبة للكروشية انا باعمل مفرش سفرة انشاء الله نفسي اخلصه قبل رمضان ادعوا لي من قلوبكم و كنت اخدت الباترون من موضوع لواحدة من الاخوات بس للاسف مش فاكره اسمه
ربنا يجمعنا دايما على الخير و الحب باذن الله .
يارب تعجبكم