اطفال هذة الجيل اتكالين بالدرجة الاولى

فهم اذا ارادو شئ اسرع طريقة لديهم هو البكاء والصراخ

موضوع ممتاز لكن ما رأيكم في الاتكالية؟

البنت الصغيرة (9سنوات) تتكل على الكبيرة (12سنة) والبنتين يتكلو علي في كل شي (الاكل- النوم- تغيير الملابس- الاستحمام.......) مع انه ما فيه خادمة في البيت؟؟!!

فيه علاج للحالة هذي؟

منكن السموحة .. البارحة .. كانت ردودى على كل فرد .. وخاصة انها ردود كانت باسهاب مطول .. الى ان .. ارعدت السماء .. وبرقت ، وفجأة انطفت الكهرباء .....


وضاعت ......... الردود

والله كانت كل احاسيسى مسجلة فيها .. ولكن .. الله لم يشاء .

على العموم ..

اكرر اعتذارى الشديد .. ولاتاخرى فى الرد عليكن .. ولكن .. لنبدأ بس الرحمن .

==================

الله يخليهم لك يا ام مسلم .. فعلا البنت .. خاصة البنت .. هى هناء اهلها .. وحتى الاولاد ما يقصرون بس .. سبحان الله احسن البنت احن على اهلها .. فما بالك لما تعطينها المسولية .. وهى صغيرة ، هذا معناه انك تغرسين فيها العطف والحنان ، ومشاعر الامومة ، ومشاعر الحنو .. بارك الله لك فيهم ..
===============

اختى العطاء ..... واتفق معكما .. ولا نختلف انشاء الله

لكن .. حتى لو قالك ولدك سفريها واهو بيسوى ،

صدقينى لفترة محدودة .. اصلا حتى انتى ما راح يهون عليك .. وراح تزعلين من اخوانه الثانيين اذا ما ساعدوك ،
بتتسالين ، اشمعنى هو اللى يساعد ، وهم لا ، مش الواجب الكل ،

واحس انه الوحده منا اذا وزعت عليهم حسب اعمارهم ، وعززت هذه المعونه بكلمات المدح والشكر والثناء والدعاء ، كلها امور تساعد على دفعه .. وغرس روح التعاون لديهم .. واهمس لك اياها ( سبحان الله تراه الابن الاوسط .. غالبا ما يكون معاون ، مشاغب ، حنون ، متسرع ، يا ترى صحيح تحليلى لشخصيته ).... الله يسعدك بيهم ويتربوا بعزكم .. امين .

==========

بارك الله فيه اختى ام جهاد .. وهذا نفس اللى سويته عند اولادى لما سافرت العاملة .. كانوا لما يرجعون من المدرسة .. وطبعا المفتاح معهم .. يفتحون المطبخ ، وياخذون احتياجاتهم .. من الطعام اللى يبونه ، ويغسلون مواعين الريوق .. اذا ما مدانى اخلصها ، وينشرون الغسيل ، وينزلونه ، وووووووو الحمد لله .. بالدعاء .. ربى ما يخيب عبده .. ويبارك له بذريته .. والحمد لله .. على عطائه ..

================

وهلا بام سعود .. وانا ( اعوذ بالله منها ) تسعدنى مشاركتك وتشرفنى الى جانب مشاركات اخواتى الكريمات ..

ويا عيونى .. بيوت قليلة تخلى من التلفزيون ، أو البلاى ستيشن .. تعرفين ليش ؟؟ لانه الكل يتمارى .. بمعنى .. اذا فلان وفلان وفلان عندهم .. ليش احنا ما عندنا ؟؟

بتسائلون وبيلحون .. اشمعنا احنا اللى ما يستوى عندنا ؟؟ احنا مقصرين فى واجباتنا والا دراستنا ؟؟
اهو عقاب لنا ؟؟

تلاقينهم يحسون بالنقص .. حتى لو انتى تبين تزرعين فيهم مثل وقيم ، للاسف المجتمع من حولنا ما يساعد ..

اتعرفين هاذى السالفة جرت سالفة ثانية .. اذكر واحده من زميلاتى . الله يذكرها بالخير هى ملزمه جدا جدا .. لدرجة لا يوجد تلفزيون لديها فى البيت .. وطبعا لا تستمع الى اغانى وما شابه .. الى ان دخل ابنها الى التمهيدى .. اى بعد الروضة ..

فسمعته مره يدندن ابغنية .. فسالته يا فلان من علمك ، قال لها سمعتها لدى اصدقائى فى المدرسة .. شفتى شلون يا ام سعود ؟؟ والله المستعان .

=========

عزيزتى ياسمين .. تحليلك فيه كثير من الصحة .. الله يهديلك اولادك ويصلحهم .. امين ... وقاعده اتخيل شكلهم وهم يصلحون السلطة ، حلو والله راح يصلحونها ويضبطونها .. اذا دخلتيهم المطبخ من قبل معك .. وعطيتى كل واحد منهم شغله .. الله يوفقك .. يا ياسمين .. قولى امين .

===========

ويا عزيزتى elhob حصلتى معى من مدة 3 سنوات .. الكبير حلق للاوسط .ز من الامام وقبل ايام العيد بعد .. ووين تبينهم يخشون الشعر ، وراء التسريحة .. وكيف اكتشفنا .. لما جات خالتهم .. تنظف الحجرة .. والا تشوف شعر مقصوص متناثر .. اثاريهم .. كانوا بيبون يقلدون الحلاق .. اختصار للانتظار .. ما يبون ينتظرون الحلاق لما يحلق لهم ... نظرا للزحمه الرهيبة .. قبل ايام العيد .. وانتى اشرايك ؟؟

والحمد لله .. ترى الاخوات ما قصرن كل منهن ادلى بدلوه ..

========

ومزونه الغالية ونصايحها ... نفعتنا .. الله يهديلها اخوها ويساعدها ....

==========

فعلا .. طلع يا مزونتى ... وكلك خير وبركة .. يا ستى ..
======

البحرية ...... لكن لا تستسلمى لهم .. بتاتا .. افرضى شخصيتك عليهم .. فيفهمونك .. وراح يأقلمون انفسهم .. معك تدريجيا ..

==========

هلا بوداد .. كانك جديدة ... فى قسم التجارب .. وننتهز الفرصة .. ونرحب بك .. والحل

وزعى عليهم مسؤوليات بسيطة .. فى البداية .. ولا تنسى شكرهم ، ومدحهم ، فهو حافز لهم ( ويستاهلون .. مرات الواحد ينفخهم شوى .. ) بس عوديهم .. وخاصة البنات . يا عيونى .. خاصة البنات ..

:26: أختي جبوله
فكرة جيدة وإن شأالله أجربها بعد أن أخصص لكل فرد العمل الذي سوف يقوم
به كل حسب سنه
وأوعدهم بالمكافاء:32:
وشكرا