منقووووووووووووووووووووووووووووووووووووووووووووووووووووووووووووول
دعواتكم لي ولصاحبة الموضوع
السلام عليكم
وحشتونى من فتره ما كتبتش مواضيع بس النهارده جايبلكم حاجه حلوه اوى
من فتره وانا شاغلنى اوى ادور على طريقه لصنع ماء الورد فى البيت ولقيت طريقتين
وكان فيه موضوع لاخت لينا عن ان ماء الورد **** فى السوق مش حلو وعباره عن مجرد مواد كميائيه وده خلانى اصمم اكتر على موضوع ماء الورد المهم مش هطول عليكم
بالنسبه لفوايد ماء الورد كلنا عارفينها لنضاره البشره ومع النشا ماسك هايل للبشره للتفتيح وغلق المسام وشد البشره وللجسم برضه
المهم انا عملت الطريقتين وجربتهم لمده 3 اسابيع تقريبا او شهر
الطريقه الاولى
ودى انا مش بفضلها اوى لان ماء الورد اللى نتج منها هو جميل وريحته روعه بس مش بيستحمل كتير فى التلاجه
بس برضه هقولكم عليها وكل واحده حره تعمل اللى يريحها هتجيبى ورد بلدى من محل الورد ويفضل يكون بالوان مختلفه وريحته تكون قويه وتقطفى الورد وتجيبى وعاء فخار وتحطى معلقه او معلقتين سكر حسب كميه الورد اللى عندك وتدعكى ورق الورد بالسكر وبعدين تحطى عليه مايه وتسيبيه للصبح وبعدين تنقليه فى برطمان زجاج وتسيبيه يوم او يومين فى التلاجه وتصفيه من الورق وده ممكن تاخدى منه كوب على ماء البانيو وتقعدى فيه شويه
الطريقه التانيه ادتنى نتيجه احلى او انا حبيتها اكتر تقطفى الورق برضه وتنشفيه فى مصفاه فى جو الغرفه العادى لغايه ما ينشف خالص وبعدين تفركيه زى ورق النعناع كده وتحطى عليه مايه وفى برطمان زجاج وعلى التلاجه يومين تلاته اربعه انا عن نفسى سايباه فى التلاجه والورق فيه وكل ما اعوز شويه اصفى بمفاه الشاى شويه فى بخاخ ماء الورد بتاعى اللى فى التلاجه برضه علشان كل ما اروح عن التلاجه ارش وشى بمايه ورد ساقعه اااااااامممممممممممم انتعاااااااااااااااااااااااش
وفيه حاجه انا هضيفها المره دى انى احط نقطتين من زيت الورد على المايه فى البرطمان مع ان والله الريحه مش محتاجه فعلا ريحه ورد بلدى على وشك وتحسى ان مايه الورد فيها كل خير الورد وطبيعيه ورائعه للبشره
ومش بتاخد اى وقت جربوا وادعولى
بجد هتدعولى
ومش مكلفه خالص
عنود تجد @aanod_tgd
عضوة فعالة
يلزم عليك تسجيل الدخول أولًا لكتابة تعليق.
حالمــــه
•
يسعدك ربي
الصفحة الأخيرة