ما تتخيلون سهوله صنع الجبن الطازج ...كنت اتصور انه صعب جدا اسويه بالبيت .. لكن لما زوجي
سواه بالبيت ..قلت له لازم تسويه مره ثانيه علشان اصوره لكم واحط المقادير بالضبط ...
والله على طول فكرت فيكم ..لاني استفدت وايد اشياء منكم قلت لازم ارد لكم الواجب ..
المقادير :-
10 كوب حليب طازج من المزرعه رشه ملح حسب الذوق
1 استكانه ( نص كوب ) خل ابيض وقطعه شاش أو غتره نظيفه
الطريقه :-
1- يوضع الحليب على النار يقلب شويه ويترك حتى يغلي تقريبا 9 دقائق ومجرد ما يفور ويغلى
مره واحده ...نطفي النار
2- يضاف الملح والخل ونقلب ونلاحظ انه على طول ينفصل الماء عن الجبن .
3- يوضع الشاش على وعاء ثاني ..ثم نصب الماء مع الجبن المتكون على الشاش ..ثم نرفع الشاش
ونكوره حتى ينزل الماء ...ونضغط عليه بالملعقه حتى ينزل كل الماء ..
نلاحظ انه نخلي شويه من الماء لتغطيه الجبن ..
4- بعد ما يتصفى من الماء ( ما تطول العمليه دقيقه واحده فقط ) نحط الجبن في علبه نظيفه ونغطيها
بالماء اللي رفعناه ونسكر العلبه ونحطها بالثلاجه .وممكن طبعا تاكلينها على طول بالف عافيه ..
تكون صالحه لمده 3 الى 4 ايام فقط ,,,
الطريقه بالصور :-
يا ليت تجربونها والله سهله ..
جزاك الله كل خير