مرحبااااااااااااااااا كيفكم وشو اخباركم ان شاء الله بخير ؟
ارجو ذلك
حبيباتي اخواتي اليوم فكره هي مو فكره هي كيفية عمل او صناعة لعبه لطفلك او لصغير عزيز عليك
ان شاء الله رايحين نعمل دبدوب من الفرو وبلونين
اول شي بنحضر البترون شيت اللعبه شوفي شكله ممكن تطبعيه وعلى آلة التصوير بالمكتبه تكبري الحجم اللي بدك اياه او تستعملي دفتر المربعات وتكبري الصوره
البترونات وانا كاتبه داخل كل بترون المطلوب واذا ناسيه شي هلأ بكتبه
الرأس بنقص منه قطعتين ( بني محروق) والاذن 4 قطع كل تنين بلون والقسم الوسط من الرأس هاي 1 قطعه بلون تاني (فرو دهبي)
الجسم مع الرجل بنقص منه قطعتين فرو بني محروق غامق كتير
الجسم الوسط هاد بنقص منه قطعه بلون دهبي
هاي القدم من الجنب الداخلي للعبه بنقص منها تنتين بلون الجسم الوسط واللي هو لون دهبي مع طبعة القدم او اسفل القدم من نفس اللون
معلش سوري مصوره الاذن مره تانيه مو مشكله المهم هاي اليد بنقص منها 2 لكل جانب يعني 4 مرات
هاد الفرو اللي عندي وما راح اكزب عليكم واقول اشتريته لا هاد بطانة جاكتين شتوي قدام عندي قصيتهم عشان اللعبه وطلعوا مناسبين اللونين لبعض
بنقص بترون الورق وبنثبته على قماش الفرو( او اي شي مو شرط فرو ممكن مخمل او لباد )المهم اذا كان فرو لازم تراعي اتجاه الوبر شيته كله يكون نازل لتحت انتبهي هاي نقطه مهمه للفرو والمخمل ويكون على طبقتين للقطعتين والوجه على الوجه عشان يعطينا الجهتين المعاكستين مو نفس الجهه انتبهي لما يكون بس قطعه وحده عادي بنعلم على خلف القماش
يتبع:32:
هلأ بنجيب كربونة الخياطه لناخد العلام بوسطة دراجة الخياطه من الجهه المقابله عشان يكون متطابق المقاس للاكتر من قطعه
هاي هي دراجة الخياطه بنمررها حول البترون وبناخد نفس العلامات والرموز طبعا وجه الكربونه ملامس لخلف القماش السفلي
خلصنا اخد العلامات هلأ بنقص القماش لنبدا التركيب عملتها يدوي مو عالماكنه عالماكنه افضل بس بديت شغلها بالمحل وحشيتها بالبيت ههههههههههه نشاط مو؟؟؟؟؟؟
بنقص القماش للقطع كلها
بعمل الاذنين اول شي باخد لونين مختلفين وبخيطهم عبعض وبس اخلص بقلب القطعه عالوجه
بجيب الطرفين السفليين وبجمعهم عبعض بغرزه بحيث يعمل تجويفه حلوه للاذن
هلأ صاروا الاذنين جاهزين
[/url