اعمل ايه انا زوجة معلقة

السلام عليكم و رحمة الله و بركاته،
مشكلتي اني من يوم ما اتزوجت جوزي قعد معايا اسبوع واحد و سافر مع وعد باني الحقه لكن كل سنه يطلع بحجة جديدة الله العالم بصدقها طبعا انا متزوجة من 3 سنين و هو بيجي اجازة شهر واحد في السنة يعني اتحرمت من اجمل فترة في الحياة الزوجية و بعدين جبت ابني ربنا يخليه عمره سنه و نص المهم انا في اول سنه كنت عايشه مع امه و هي طيبة جدا بس نفسيتي تعبت لانها في بلد غير بلد اهلي و كده يبقى جوزي مسافر و اهلي بعيد كمان فلما حملت رحت قعدت مع اهلي و طبعا اهله زعلوا بس عدت و بقيت باروخ ازور امه كل فترة المهم انا رحت لها من اسبوع و قلت له اني هاقعد مع امه اسبوعين و بعدين ارجع عند اهلي و بصراحه قعدت اسبوع واحد و نفسيتي تعبت لان اخته عندها بنت اصغر من ابني و كل شويه تضرب ابني لو اخد لعبه من بنتها مثلا و كمان تمسكه عشان بنتها تعضه طبعا بتعمل كل ده كانها بتهزر لكن انا زعلت و ما حبتش يحصل موقف بيني و بينها فقلت له انا هاروح طبعا سالني ليه قلت له خليني على راحتي فقال لي خلاص و زعل المهم روحت و كل ما ارن له على الموبايل او ابعت له مسج ما يردش بعت له ايميل حكيت له اللي حصل رد عليا و قال لي انت ماشيه على كيفك تخرجي وقت ما تحبي و ترجعي وقت ما تحبي مع اني دايما ابلغه قبل خروجي و اصلا كل خروجي مع اهلي و عمري ما خرجت لوحدي لكن هو بيزعل من اي خروج و انا نفسيتي تعبانه جدا و هو مش مقدر و الولد طفل و بيحب يخرج و لو فضل محبوس في البيت بيفضل يعيط اعمل ايه؟ المهم انا رديت عليه و قلت له اصلا انا ما كنتش ناويه اكلمك ان شاء الله لآخر العمر بس انا باعامل ربنا و عملت اللي عليا المهم انا نفسيتي تعبانه جدا و هو ما ردش عليا و حاسه ان هو معلقني و اني هفضل كده طول عمري و مش مستحمله ما بقاش عندي اي صديقه و امنيتي الوحيده اني اعيش مع زوجي في بيت واحد كاسرة واحده و طبعا ده صعب و باخس انه ولا على باله و ده بيحطمني اكتر حاولت اني اشغل وقتي و اروح احفظ قرآن لكنه رفض دلوني استمر في الحياه كده ولا انفصل عنه و في حاجة اخيرة انه لما بيكون زعلان مني ما بيسالش غلى ابنه و الولد بيصعب عليا ان ابوه مش سائل فيه
معلش طولت عليكم بس يا ريت الاخوات الحكيمات يردوا عليا بسرعه لاني منهاره