السلام عليكم اخواتي و صبحكم الله بالخيرات و الافراح
انا عندي مشكلة من كام اسبوع و لازلت ما حددت كيف اتصرف و ردة فعلي الان متضايقة جدا و مذهولة من الموقف اللي صار .
انا اسافر و اغيب عن بيتي مع زوجي للسفر
و اترك شغالتي (ست كبيرة بالبيت من جنسية عربية و لها معي فترة طويلة وا نا اثق فيها جدا و اعتبرها زي الدادا بالبيت تهتم بالجنينة اللي نخاف ان زرعها يهمل او يمووت في غيابنا )
السنة دي في الصيف اللي فات سافرت زي العادة و تركت الشغالة و زوجي اوصى اخوه ا الوحيد انه يزور الدادا من فترة لاخرى و يشوفها ايش تحتاج لاننا مش موجودين وكون فيه مسبح في الجنينة بيتي في غيابي صار كانه استراحة يكشتوا فيها زي ما بينقال و دا زعلني مرررة و ضايقني لما عرفت بعد رجوعنا من السفر.
تخيلوا يسرحوا و يمرحوا في بيتي و يتغدوا و يتعشوا في مطبخي و يسبحوا يو يطلعوا للدور العلوي و يستعملوا حماماته رغم ان فيه حمامات بالدور الارضي و بنات سلفتي يباتوا في غرفة المسافرين و كانه استراحة مش للبيت دا اصحاب و غايبين . يعني لو اني قافلة غرفة نومي كان زمانهم استخدموها كمان من جد شئ غررررررررررريب و يضايييييق مررررة مررررررة
يعني سلفتي استغلت غيابي رغم انها ما تزور بيتي الا لما اعزمها . يعني كان زوجي طلب من اخوه انه يشيك على البيت و الشغالة و اعطاه مفاتيح البيت بس مش زي ماعرفت الوضع من شغالتي لما جيت.
اللي فورلي دمي بزيادة و اكتررر اني عرفت من شغالتي ان سلفتي عزمت اختها و اولا دها على الغدا في بيتي وانا مسافرة والله انا مو مستوعية كيف احد يجرؤ يعمل كدا ..يعني زوجي ورتب مع اخوه على شئ و اللي صار شي تاني.
سلفتي سليطة لسان و حشرية و انا اعاملها رسمي و بتهذيب جدا وانا من الناس اللي يؤمنوا ان كترة الخلطة و الزيارات تجيب المشاكل.كيف دا كله يصير وانا متبعة معها دا الاسلوب
لدرجة تعزم اختها واولادها في بيتي!!!وا نا مسافرة و ياغافل لك الله!
حكتللي الشغالة انهم ددايما يشتروا غداهم مرات و يجوا يسبحوا و يقضوا نهار باكمله في بيتي من الظهر للفجر تاني يوم !!
و الله يا بنات اني بالاول هديت نفسي و قلت معليش بلاشي تزعلي احد ااجازة و حبوا ينبسطوا بالسباحة في بيتي و مو مشكلة اكسبي اجرهم بس ما اقدر نار تغلي في صدري كل ما اتذكر انها كمان جايبة اختها و اولاد اختها للبيت و شغالتي طبختلهم كمانو اعتبروا البيت استراحة مالها صاحب.
و ازيدكم من الشعر بيت لما رجعت من السفر رحت على طوول تاني يوم لسلفتي اعزيها بنفسي في والدها اللي توفي في اول الصيف وانا وزجي كنا مسافرين و ماعزيتها الا بالتليفون بس وقتها (طبعا ما كنت اعرف انها كانت ببتتفسح و اهلها في بيتي )
لما رحت اعزيها اختها اللي كانت نازلة عندها لانها ساكنة اصلا في مدينة تانية وجاية اجازة في بيت اختها ما نزلت تاخد واجب العزاء مني!! رغم اني ما اعرفها و لا سبق قابلتها شخصيا بس ما شاء الله جرؤت تجي بيتي في غيابي هي واولادها !!
والله مقهورة و نفسي اخد موقف حتى ما يتكرر تاني ..مافي ست تحب ان اي مخلوق يزور بيتها في غيابها و بدون اذنها او علمها بالطريقة دي
( على فكرة يا بنات سلفتي ترسل بنتها المراهقة تبات عندي من فترة لاخرى وسط تفاجؤنا انا وزوجي ودي مشكلة راح انزلها في مشاركة منفردة )
زوجي مش عارف يتصرف لأنه يخاف يصير قطيعة و زعل بين الاخوان لان اخوه زعول و معاه القلب و سلفتي صاحبة سوابق في شحن النفوس ..انصحوني اعمل ايه
انا فكرت كوني للان ما صار اتصال بيننا من اخر مرة جيت فيها من السفر و عزيتها في بيتها اني انتظر لحد ما تكلمني بالتليفون و اقولها اللي بنفسي في التيليفون افضل ..بس كيف اقول اللي مضايقني بدون ما اكون سبب في قطيعة بين الاخوان و الله هي انسانة عجيبة ودمها بارد و ممكن بسهولة تقلب الموضوع لفتنة كبيرة بين الاخوان؟
شوروا عليا اخواتي الحكيمات
ااخواتي الان الوقت غير مناسب لانه الاسبوع اللي فات ابلغنا زوجها اللي هو اخو زوجي انها راح تعمل جراحة في الصدر لازالة ورم ليفي دا الاسبوع يعني مضطرة انتظر لحد ما تخرج بالسلامة بس مو هاينة عليا نفسي يعدي الموقف ا كدا بدون وقفة معاها علشان ما يتكرر. بس الان الوقت مش مناسب!
و الله من زعلي قررت اني اتصل عليها احمد لها بالسلامة بس بدون زيارة .
قولولي رايكم
اتصل بيها احمدلها بالسلامة و بلاش ازورها ولا اكتم غيظي و ازورها و أأجل مفاتحتها في الموضوع الى ان يصير وقت مناسب ..ا
نا ا ابغاها تعرف ان تصرفها كان غير لائق وابغاها تشعر بالحرج لانها سببتلي ضيق شديد و ابغى اعمل حد للنقطة دي وما ابغى الموقف يتكرر بس بدون ما تسبب قي قطيعة بين الاخوان.
ايفيتا @ayfyta_1
عضوة فعالة
يلزم عليك تسجيل الدخول أولًا لكتابة تعليق.
معقوله فيه ناس بقله الادب هذي
لاحول ولاقوه الابالله
من رايي تزوريها بعد العمليه لان الاجر لك ان شالله وانتي الكسبانه
وبعدين تفاتحينها بالموضوع وتحاولين تعاتبينها بادب وقوليلها انتي حطي نفسك مكاني ؟؟
وفيه احد قاعد يلعب ببيتك ويعزم من وراك ايش حيكون تصرفك
والله يهدي النفوس
لاحول ولاقوه الابالله
من رايي تزوريها بعد العمليه لان الاجر لك ان شالله وانتي الكسبانه
وبعدين تفاتحينها بالموضوع وتحاولين تعاتبينها بادب وقوليلها انتي حطي نفسك مكاني ؟؟
وفيه احد قاعد يلعب ببيتك ويعزم من وراك ايش حيكون تصرفك
والله يهدي النفوس
عسوله 5
•
لالالالالالالالالالالالالالالالالاتخلو مفتاح البيت عند احد خلاص ابدا يعفن بيتي ولاادي المفتاح لاحد مرررررررررررررررره لو ماعندك اخت او اخ تثقي ان مايعملو زي ماعمل اخو زوجك وخان الامانه والثقه خلاص ولااحد ياخد المفتاح خلي الداد هيه الي تنتبه للبيت ولاتفتح الباب لاحد مررررررررررررررررررره يعني انتي بعد دي الحركه لسه بتفكري تسيبي المفتاح عند اخو زوجك انتبهي ولاعاد تعيديها ونصيحتي لاتعاتبيها لان الي يتصرف تصرف زي كده غبي متبلد يعني مش حتحس بفظاعة عملها ومفاتحتك لها محتجيب غير المشاكل اتحفظي واترفعي عن ناس زي كده ولكن مفتاح بيتك انتبهي تخلي عند احد وبس
أختي الكريمه أنصحك تطنشي الموضوع وتاخذي درس مره ثانيه ما تعطونهم المفتاح أعطوه لأي أحد ثقه من أهلك أو اصدقاء العائله يتطمنوا " اما اذا فاتحتيها فأظن تفتحي لنفسك باب مشاكل انتي في غنى عنه ! و مثل ماقلتي تحب المشاكل يعني ما ينفع معها العتاب! بالعكس راح تصير مشاكل وفرقه بين الأخوان بدون فايده
انتي وزوجك لا تعطونهم المفتاح أبدا و احتسبي صار اجر لا الظروف تسمح ولا هي راح تحس على دمها
الله يصلح الاحوال
انتي وزوجك لا تعطونهم المفتاح أبدا و احتسبي صار اجر لا الظروف تسمح ولا هي راح تحس على دمها
الله يصلح الاحوال
الصفحة الأخيرة
يالهُ من تصرف ارعن :(
وربي وشذا قلة حياء
لاحياء ولا مستحيا
وخزيياااااااه وعيباه وشلون يجون ببيت راعينه مو موجودين
الصراحه شيء يفور الدم ويخليه قطع بالعروق
معك حق ياخيتي
بس قلتي سليطة لسان ماتستحي ماراح تحس بغلطها وراح تدور شيء يسوي لك ازعاج
فالافضل انا اشوف انك تكضمين الغيض وتصبرين وتحتسبينها عند الله
والمره الثاني نبهي زوجك مايدخلون بيتك بدون اذنك
والله مشكله نبيهم يشوفون اخبار الشغاله شافوا اخبارها بالكرف
تحملي وصبري اخاف من هالحاريم راعيات هالطبايع انها تسبب زعل بين الاخوان
انتي ماتبين لكن هي راح تسبب مشاكل فصرفي النظر ولا تخلون بيتكم مره ثانيه لاخو زوجك لانه هو بنفسه الغلطان مو زوجته
الغلط على اخو زوجك من الاساس مو من زوجته
باللهي وش هالرجل اللي اخوه يامنه على بيته يجي هو يرعى ببيت اخوه بدون اذن
اخوووووو زوجك قليل ادب مايعرف يحشم بيوت الاخرين سامع بكلمة اخو ماسمع بكلمة زوجة اخوي هذا بيت الحرمه قبل انه يكون بيت الرجل