هلا وغلا بكل الحوائيات الغاليات على قلبي عيدكم مبارك وكل عام وانتم بخير وصحة وسلامة ولو انها متأخره شوي
اشتقت لكم واشتقت لورعانكم وملابسهم خخخخخخخخ بشروني عنهم في العيد فديتهم انا ان شاء الله انبسطو
أكيد تقولون الحين وش عندها ذي ها المرة مثل كل مرة ملابس اطفال ؟
اقول لكم لااااااااااااااااااااااااااااااااااااااااااااااااا هل المرة الموضوع لكم ولعيونكم فية شغلة اعجبتني وحبيت اوريكم اياها هي مو منتشره كثيربس تصدقون مره اعجبتني يعني منزلينها بعض المحلات اكيد مرت عليكم
الشغلة الي با أتكلم عنها عبارة عن اكسسوار الفكرة الي فيها انها عقود مصنوعة من القماش القاعدة للعقد مصنوع من القماش المقوى ومن فوقة اما يجيك ساتان مشغول او دانتيل على شكل ورد او اوراق واحيانا جامعين كذا خامة في القطعة الوحدة وفية بعضها مشغول با الكرستال وينربط حول الرقبة بشرايط ساتان او مخمل وفية موديلات من ها العقود جامعين المعدن والقماش في القطعة الوحدة مثل ماراح اعرضها لكم
والعقود مثل ماقلت لكم فية الي يجيك موديلاتها بسيطة ومنها المشغول با الكرستال وكل عقد راح نستخدمة على حسب المناسبة يعني المشغولة مع المناسبات الكبيرة اما البسيطة راح نلبسها مع البلايز والفساتيين السمبل الحلو في الفكرة ان ها العقود تنفع في الازمات الطارئة لانة شرط انة ينلبس مع الفساتين السادة اقصد الي مافيها كرستال وحوسة والي موديلاتها بسيطة يعني فرضنا عندك مناسبة وماامداك تفصلين ذاك الموديل ممكن تفصلين فستان بسيط او تشترين فستان سادة بسيط من السوق مافية موديل وتركبين معة العقد
قبل لاأبدا حبيت اوضح للاخوات جزاهم الله خير ان مااحد يجي يقول لي الفساتين عارية انتي حاولى تسترينها بشال او جاكيت ولا تجي وحدة تلبسة على الفستان العاري وتحملني اثمها قلت لكم ممكن تدخلون معة شال او جاكيت الفكرة الي ابي اوصلها لكم انة ينلبس مع الفساتين البسيطة والسادة سواء كان لها كم ولا عاد انتي ارقعيها بكم او شال اتفقنا
قبل لا ابداء راح اوريكم عقدي شاريتة من فترة من h&m نفس العقود الي اقصدها لونة لحمي عبارة عن 3وردات من القماش والتل الناعم العقد مره روعة بس التصوير ظالمة ومطلعة مشهب الكاميرا حقتي خربانة ولا كان طلعت الصورة او ضح من كذا
يتبع
