اعوذ بالله من الحسد

كنت اظن ان الرجال مايتحاسدو زي النساء
لين شفت اعلان اللي فيه يتكلم عن ميسي بشكل قبيح ويقول خيسي مو ميسي ومرة تضايقت يعني وش مسوي لهم الرجال.. هو اجنبي وهم عربيين ومايعرفوه غير لاعب كورة بعدين تذكرت الحديث اللي يقول لافرق بين عربي والاعجمي الا بالتقوى.. واقول صدق مو كل مسلم مسلم .. مدري وش يضر بعض الناس نجاح غيرهم يعني وش ذنبه جميل ومرغوب يمكن من النسوان ويجيب اهداف وانا فاشل تافه ماعندك هدف غير اكلم عنه بلسانك كلام اعوج من الحقد والحسد احس ميسي انسان لطيف بريء رغم اني ماتابع كورة بس احس كذا ماشاء الله عليه الله يرزقه من فضله ويكفيه شر الحسد ..
احس من الرجولة ان كل رجال يرفع خشمه ومايقلل من قيمته بالكلام على رجال اخر بسوء حتى او في اعلان لان هذا يقلل من رجولته ويضعفها احس فيه عرق نسائي .. لاصارت سوالف الرجال زي النسوان ويييع .
اقول لو ميسي يشوف اعلانهم بس ماظن يفهم عربي وهم مستغلين هالشيء يمكن قلت ببلغ عنهم وزارة العلام لان حرام هو اكيد ماضرهم غير بنجاحه.
قلت بدور حساباته الرسميه وبرسل له الاعلان كانه غافل اذا فضيت بعدين قلت يمكن مايهمه ضعاف النفوس ومشغول بنجاحاته…