اعوذ بالله من خيانة و خذلان يعقبها قهر!

صباح الخير
يا بنات مواضيعي مدري وين طارت
بقول لكم وش صار بموضوعي!
اللي حصل بعد صمت طووووويل بيننا و تجاهل كل واحد الثاني
جالسة بالغرفة استشور و احط ميك اب لاني كنت مسوية حفلة صغيرونة لبنتي كذا بس انا واياها محتفلين و مسوية جو حاطة سفرة و شموع و طاقيات حفلة و قاعدة اسولف لبنتي اقول لها بتجي خالة فلانة و خالة فلانة و اعددلها بس قصدي ابيه يسمع ان اهلي بيجون وهم ماهم جايين ولاشيء بس عشان يحسب لهم حساب ان كيف يجون وانا زعلانة منه! خاف اني اسولف لهم! وافضحه؟
اللي حصل جاني وانا استشور وقال ماشاء الله صبغتك تجنن (وانا صارلي شهر صابغة) هههههههه يقال له يبي يتقرب مني و يطيح الحطب وانا سااااكتة وقال بيجي احد اليوم اذا ناقصكم شيء اكتبوا الاغراض،، و اعطي بنتي ورقة تعطيها ابوها لاني مابي اسولف ولا اناظر بعيونه! و قبل يطلع جاني و حلف بالمصحف مرتين انه ماخربط ولا زنى ولاشرب حرام!!! انا تفاجإت!!! قلت مازنيت!!! وش معنى حلفت انم مازنيت!! قال لانك متهمتني! قلت له عشان نقفل الموضوع بطلبك شغلتين الاولى توعدني ماتسافر مرة ثانية! و الثانية انك تسوي تحليل و تجيبه يثبت سلامتك من اي مرض! قال بس!! وراح لمستوصف قريب و سوى تحليل شامل و جاب ورقة ثانية كلام باللنقلش و مختومة اللي فهمته منها ان هذا الشخص سليم من اي مرض جنسي!
وبعد المغرب جاء وجاب هدية لبنته وكيكة و جاب لي طقم ذهب ب١١ ألف! انا استغربت صراحة وش المناسبة!! حسيت انه فعلا مسوي شيء و ضميره مإنبه!
علما انه حتى بعد الهدية معاملتي معه نفس الشيء ! وهذا لللي قهره اكثرررر يقول انتي وش تبين!!! وش شايفة علي! وش يرضيك! قلت ان سافرت مرة ثانية بترجع ماتلقاني! وهو انقهرررر لاني اكررو اعيد وازيد عليه! اخرتها قال بتروحين اهلك روحي وخلي العيال!
ومنعزلة بغرفة وهو بغرفة لدرجة انه يموت وارتاح من الفضيحة ان كان مسوي شيء !