السلام عليكم
بدخل في السالفه على طول انا الله بلاني بأخت حسوده تكرهني وانا والله ماسويت لها شي بس عشان حياتي الحمدالله افضل من حياتها اعوذ بالله من الحسد تخيلوا سكنت بيتي الجديد ماجابت لي هديه مع انه القريب والبعيد جابلي الا هي ولدت ولااعطتني شي مع اني اهاديها اذا ولدت انا الحمدالله في غنى عنها لكن تحز في الخاطر يوم نفاسي انا نفست في بيتي لان اهلي كانوا مسافرين ماكان فيه الاهي الله لايحدني لها تخيلوا جتني مره وحده وجايبها معها بسبوسه يعني نفاس احتاج اشياء حاره بس الله المستعان طلعوا الغرب احسن لاتقولون ماتفهم هي حرمه كبيره عمرها في الاربعين تخيلوا اذا جتني عزيمة او جمعت حريم اناديها بس ماتجي ليش عشان ماتشوف ضيافتي وتقدمي الحمدالله على نعمت العقل والله اني كنت اداريها لكن طفشت انا انسانه وصبري له حدود اشياء كثيره صارت لكن انا ماكتبتها
كتبت لكم للفضفضه لاغير
مشكورات على اللي ردوا علي بس انتم فاهمين غلط والله بنسبه للماديه انها احسن مني وزجها اغنى من زوجي وهي تهدي البعيدين وانا لا وهي قد قالت لوحده من خواتي انها ماتحبني الغيره عمت قلبها ولاتفكرون اني اكلمها عن حياتي لاوالله اني مااقلها شي حتى لورحت مطعم او تمشيت ماقلها عشان زوجها مايطلعها ولا ابين لها ان حياتي احسن منها لكن الشكوى لله
انتم فاهمين غلط ياعالم افهموا انا ماتهمني هداياها بكيفها بس الرسول صلى الله عليه وسلم يقول (تهادوا تحابوا) انا الحمدالله كل ماجتها مناسبه اهديها لو تهمني كان اقول مااعطتني مابعطيها حتى العام سويت حفله لعيالها يوم نجحوا مع ان ماعندي عيال يدرسون بس عشان ابين لها ان حنا اخوات ونفرح لبعض لكن مابين في عينها سبحان الله الغيره تعمي القلوب ولي تقول حاولي تمدحي ذوقها والله ماقصرت لو اشوف عليها لبس امدحه مع انه يكون اقل من عادي بس اقولها الله يجنن وش ذا الذوق الحلو ترى بطلبك اياه اذا رحت عند جارتي عشان ابين ان ذوقها ماشاء الله لكن مافيه فايده كل هاالغيره عشان زوجي ماشاء الله احسن من زوجها الحمدالله على النعمه مهما كان مااغار من اختي هذي موضرتي ترى كتبت الموضوع موعشان الاقي حل انا تقريبآ جربت كل الحلول ومافادت انا كتبت عشان كنت طفشانه وابغى افضفض
كيكة المارس @kyk_almars
عضوة جديدة
يلزم عليك تسجيل الدخول أولًا لكتابة تعليق.
توددي لها واحتسبي الاجر هذي اختك مهما كان بينكم من شحناء تضل اختك ولازم الوصل بينكم الله يسخركم لبعض
w-moon-s
•
ياقلبي ماتدرين عن ظروفها يمكن ماديتها قليله وتستحي تجيب لك هديه على مستواك
ومن ناحية الضيافه ماتدرين يمكن تتضايق يوم تشوف الفرق بينك وبينها خاصة بعض الحريم يتفاخرن بالعزايم اللي يسونها وكل وحده احسن من الثانيه عشان كذا ماتبي تتفشل
ومن ناحية الضيافه ماتدرين يمكن تتضايق يوم تشوف الفرق بينك وبينها خاصة بعض الحريم يتفاخرن بالعزايم اللي يسونها وكل وحده احسن من الثانيه عشان كذا ماتبي تتفشل
دمعة غلآ
•
w-moon-s :
ياقلبي ماتدرين عن ظروفها يمكن ماديتها قليله وتستحي تجيب لك هديه على مستواك ومن ناحية الضيافه ماتدرين يمكن تتضايق يوم تشوف الفرق بينك وبينها خاصة بعض الحريم يتفاخرن بالعزايم اللي يسونها وكل وحده احسن من الثانيه عشان كذا ماتبي تتفشلياقلبي ماتدرين عن ظروفها يمكن ماديتها قليله وتستحي تجيب لك هديه على مستواك ومن ناحية الضيافه...
اختي تبين ترتاحين احسني الظن والتمسي العذر للغيروخاصة اختك
والله يألف بينكم
والله يألف بينكم
الصفحة الأخيرة
الله يعين حاولي تتتقربين منها وتناقشوا طلعي اللي بخاطرك يمكن فيها شيء عليك ومن النوع اللي ماينسى لاتخلينها حاوولي على قد ماتقدرين
ويمكن ظروفا ماتسمح لها قدري وضعها . . .