طيب مافي شي يهدي الاستفراغ

اختي ابقول لك انا بنتي جاها مثل اولادك .. بدأ معها التعب امس واليوم لانزال نعاني معها .

عمرها سنتين ماتتكلم ,, تمشي بالبيت وماسكه بطنها ووجهها اصفر ومو مرتاحه نهائي منزعجه وتبكي .

جاها استفراغ واسهال بدون حرارة ,, فقط حرارة خفيفه لان برضو معها شوي التهاب بالحلق والحمدلله اختفى .

رحت بها الدكتور قال هذا فيروس منتشر بالاجواء الان , مافي الا التعويض بالمحلول من الصيدليه او تاخذيه من مستوصف حكومي على شكل بودرة مع لتر ماء , لكن طعمه فظيع مو الكل يتقبله .. او السفن اب رجيه عشان يروح الغاز تماما والا راح يملأهم هواء ويستفرغو , او اخذ دواء معقم للباطنية مثل ريازول .

اهتمي فيهم والافضل ان الفيروس يخرج منهم لاتعطيهم ادويه يوقف الاسهال والاستفراغ غصب .

مهمتك الآن تعوضيهم عن اللي يفقدوه , ركزي على السوائل مثل عصير التفاح والشاهي والنعناع والمويه ولاتعطيهم شي فيه دهن ودسم او اي شي من منتجات الحليب .. اقطعيه عنهم لانه يزيد حالتهم سوء كثييير .. اللبن فقط اللي مسموح .الزيادي والاجبان واللبنه والقشطه والحليب ممنوع .

والاكل ياكلو شي ناشف مثل الشابورة بساكيت او الصامولي المغمس بالشاي , بطاطس مسلوق او مهروس , رز مصري او الرز الابيض .

مافي الا الصبر عليهم حتى تخف الحاله من نفسها .. ان شاء الله يومين وتخف ماراح يتأخرو بالشفاء منه .

اذا شفتيهم مره ماياكلو ولاشي او يشربو لازم توديهم ياخذو غذايه , الاطفال مايتحملو الجفاف مثل الكبار انتبهي عليهم .

الله يسهل علينا وعليكم .

حبيبتي هذا جاء بنتي وولدي استفراغ فضييييييع حتى المويه يستفرغونها ولافيه حراره ولاشي
ماوقف معهم الا بعد مااخذو ابره توقف الاستفراغ
هذا الكلام صار قبل 3 اسابيع
وامس وقبله بناتي 2 جاهم مره ثانيه استفراغ واسهال اكرمكم الله
بدون حراره ولا شي بس ماطول يوم كامل وبس
والحمدلله على كل حال

لوعندك سعوط ممتاز لكل يش يطلع برد البطن ويرد حالهم لو ماتعرفين احد يبيعه راسليني اعطيك رقم وحده سعوطها رهيب

يمكن نزززله معوويه او تسمم .. انا ولدي جاة كذا
كان يصيح من بطنه.. وبعدها جاة إسهال واستفراغ
وديته قال معه نزززله معوووويه.. لازم ياخذ مغذي
ومضاد.. ...
ومايشووووف شر...