اعيثوني / خطبني ولم ارتاح له .معدل

ياجماعه عندي مشكله مش عارفه احلها ارجو ساعدوني
انا اتقدم لي رجل صالح متدين اوي وملتحي غير انه معيد في كليه اسلاميه مكانته الماديه مرتاح وقادر يفتح بيت وجاء عندنا البيت وخرجت للمقابله الاولي لكن محستش بقبول بالعكس انا كنت مخنوقه جدا ومش مرتاحه وكل ماافكر اني هعيش مع الراجل ده اتجنن عارفه ان الرسول قال إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير )هو انا كده حرام اسيبه هخد ذنب عليها او ربنا يعاقبني انا مش عايزه ربنا ينتقم مني بس والله العظيم انا فعلا مش عايزاه وهو انا كده بفتري زي امي مبتقولي
حاولت مع نفسي لكن مش قادره اسمع من الناس ان ممكن البنت تكون رافضه تتجوز ولما تشوف اللي جاي يتقدم لها تغير رائيها ويحصل قبول
بس حصل العكس خنقه وضيق مع اني عايزه ربنا يرزقني بالزوج الصالح زي اي بنت لكن لما شوفته مافيش اي قبول
ارجوكو حاسه بتانيب الضمير خايفه اوافق واتجوز وبعد كده معرفش اعيش معاه واطلب الطلاق ويقلولي مانتي اللي اخترتي محدش اجبرك واختي مش سايباني عماله تقولي الطيبون للطيبات والخبيثون للخبيثات يعني معني كده اني خبيثه وتقولي انتي عاوزه ايه تخدي واحد بيشرب خمر ويسهر هي دي اخرتها يتقالي كده برضو ليه
تعبانه جدا مش عارفه اعمل ايه وهقول لهم كلمتي بكره بالقبول او الرفض اعمل ايه