مين ما يحب الشموع تغير الديكور و الجو و العااااالم خاصه اذا كانت فواحه :pinklove2
جات في بالي فكرة اعادة تصنيع الشموع اللي ما ابيها عندي بالبيت واحط العطور والفواحات اللي احبها عندي في خلطة الشموع .
المهم قووقلت الموضوع عن اعادة التصنيع وطلعت بهالنتيجة :
نبدأ بسم الله
اذا عندك شموع ما تبينها صارت قديمه او ذابت وصار شكلها بايخ او حتى تضررت او تكسرت
مثل هذي الشمعه كبيره عندي وما استخدمتها كثير ومع النقل شوفوا كيف صار شكلها مع ان ريحتها حلوه بس ما تنفع لاشكل ولا ديكور:
وعندي شموع من غير ريحه :
أول شي تسوينه انك تذوبين الشمع في حمام مائي ولما يذووب مرره حطي العطر او الفواحه اللي تحبين :
وفي طريقتين تستخدمينها أول طريقة :
1- تاخذين الحديده الصغيره اللي في اخر الشموع الصغيره وتشيلين منها الخيط وتبدلينه
او اربطي الخيط باي شي ثقيل صغير
جيبي علبة المويه وقصيها بالنص و اربطي الخيط بقلم علشان يثبت .. ممتع صح
ممكن تسوينه بعلبة الحليب الكرتون او اللبن اللي بـ 3 ريال تصير الشمعه مستطيله
2- أو ممكن تاخذين الشمعه وتثبتينها داخل العلبه بانك تذوبين الشمعه وتنقطين منها داخل العلبه وتثبتين الشمعه بالنص زي علبة العصير هذي :
وتصبين الشمع السائل بشويش . ممكن تبردين نص وتحطين نص ثاني بلون ثاني
او ترمين قطع من شمع بلون ثاني او قواقع او احجار اذا صار الشمع شفاف
وتدخلينها الفريزر و لما تنشف تقصين البلاستيك بشويش اصلا هو يبدا ينفصل من الشمع
و تلصقين الأشياء اللي تبين قلترات نجوم ورود شرايط او تكتبين عليها اسم عيالك او او او ... ابدعي انتي
وتروحين تجيبين اي شي عندك تعبين فيه مثل علب الشموع القديمه او علب او حتى جرات وهذي النتيجه
:32:
القلب اللي في الصوره كان لشمع شلت اللي فيه . و العلبه الزجاج الاسطوانيه الكبيره كانت لسكريه . والكاس الطويل لطقم كاسات قديم . والعلبه البيضاء حبيت احط فيها ريحة فواحه شرقيه . العلبه الزجاج الصغييره كانت لمخمرية شعر .
والشمع الاسطواني الوردي هو من علبه المويه والمربعه اللي بلونين من علبة العصير
شايفين كيف الشمعه الكبيره القديمه في اول الموضوع - > صارت كم شمعه !!!
تجربه حلوه ...
ان شاء الله تكون اعجبتكم وحمستكم تسوون مثلها ...
ماشاء الله عليك فنانه
شكلي بقوم اجربها
مشكوررة يالغلا..