اعيش بررعب وخوف من السكن الجديد .. شنو ممكن اسوي من احتياطات عن الحراميه ؟

السلام عليكم
شنو الاشياء الا تسوونها للحرص انه مايطب حرامي في البيت ؟ يعني مثلا حنا ركب زوجي كاميرات خارجيه ونظام يصيح لو احد جا في الليل لكن من ناحية الكاميرات ممكن الحرامي ماخذ احتياطه لابس شي ماينشاف .. طبعا اكيد البنات الا ماعمرهم سمعوا عن حرامي طب في بيت مستغربين خوفي وسؤالي .. لكن حنا في منطقه جديده قليل الا ساكنين فيها وسبق والحراميه باقوا البيت وقت التشطيب وفيه بيت نفس منطقتنا سرقوا بعد من عندهم ومن قبل جيران بيت اهلي طبوا عليهم حراميه وهددوهم بعد بالسلاح وحتى صاب البيت مرض في القلب بسببهم ارتعب من شافهم هاجمين عليهم في البيت ورفع عليه مسدس الرجال خاف وصابه مرض في القلب .. من كل الا اسمعه صرت مرعوووبه قريب بنسكن في البيت الجديد وبدل مافرح احس برررعب مخرب علي احساس الفرحه :44: وزماان وانا صغيره اتذكر كانوا باستمرار الدوريات اعتقد كذا اسمها المهم كانوا يدورون في المنطقه يمشون على خفيف بالسياره الحين ماشوف احد من الشرطه او الدوريات يدورون وزوجي كلهم لما انسرقنا ولا سوو شي اصلا ولا سيارة شرطه تمر في المنطقه يعني الا ماعنده ذمه وضمير بيسرق مافيه شي يخوفه ... الا راااعبني مرره ان الا اسمعه هالحراميه عندهم اسلحه يهجون على البيت واذا احد انتبه لهم يهددون بالسلاح .. على فكره عدة مرات يسرقون بقالات حتى مره في منطقة بيت اهلي طبوا حراميه في بقاله وكان هندي الا يبيع قتلوا الهندي وسرقوا وهربوا .. :44: مع كل الا اسمعه معيشني في خوووف والله مو حاسه بفرحه اني بنتقل لبيت مستقل بالعكس مرعوووبه .. كيف اقدر اعيش طبيييعي وشنو الاحتياطات الا ممكن نسويها ؟ وهل لو لا سمح الله تعرضنا لكذا مشكله هل لو اتصلنا على الشرطه يجوون بسرعه ؟ والا مثل الاسعاف يمدي الواحد يموت والاسعاف مايجي :( اتمنى تساااعدوني اشوف حل لررعب الا عايشته