اعيش بعذاب بسبب زوجي واخوه وامه

السلام عليكم

الحمد لله على كل حال والشكوى لله اولا

لي 4 سنين متزوجه

قصتي طويله ومعقد تعبت يا بنات بحاول ابسطها عشان تفهمون علي واهم شي تقولون لي الصح
لان تهت خلاص

انا ساكنه مع اهل زوجي بنفس العماره هم بالشقه اللي فوقي

امه عندها مرض نفسي ووسواس انسانه جاهله وكبيره بس صحتها زينه

مشكلتي معاها انها تحرض زوجي وتتدخل في كل صغيره وكبيره ماتبغاه يخرجني او ياثث لي البيت حتى مقاضي البيت تهاوشه اذا جاب

ما نقدر نخبي شي كاشفه علينا لدرجه اني لما انزل اشوفها من الشباك تطل ودايم هذا حالها

مدري شسوي

اما اخوه هذا ادهى وامر
تزوج بعد زواجنا بسنه بديون على اهله لانه مو موظف
وسكن بالعماره ببلاش طبعا لانها لابوه

تعرفت على زوجته وليتني ما تعرفت
كلها خبث والعياذ بالله نافقت بيننا وغيرت الاخوان على بعض

وجابت عرضى انا واختي ونحنا اصلا مالنا معرفه بها سابقا لاحول ولى قوه إلا بالله
دعينا عليها بكيت من القهر والظلم وسبحان الله ما توفقه
حملت واجهضت وراحت لاهلها
وشرطت عليه ينقلها

هنا المشكله هو ما معه فلوس ولى وظيفه وانا زوجي موظف بس راتبه كل ديون
قال لزوجي انه مريض هو وحرمته وان فيهم سحر واكاذيب كثيره
مشكلت زوجي يحن كثير على اهله بدون حتى يفكر ويوزن الامور
هي هجرت زوجها 7 شهور وكانت حامل بالحمل الثاني

وهو بيسوي اي شي عشان يرضيها راح اخذ سياره من المعرض وباعها وقبض ثمنها 41 الف يا بنات وبعد 4 شهور طارت كلها اثث الشقه الجديده وصرفها على حرمته وتمتعو طبعا الشقه الجديده بعيده عنا , يعني الحين يسددها اقساط السياره الف وخمس ميه بالشهر والكفيل هو زوووجي يعني لو ما سدد زوجي يسدد او يدخل السجن هو وعد زوجي انه يسدد لان عنده حافز وضمان

تورطنا الحين هو مايسدد دينه يقول مصارف البيت وماعنده فلوس ويبي زوجي يساعده

غير كذا قبل اسبوع طلب 6 الف من زوجي بيسوي عمليه زوجي قال من وين اجيب لك سته الأف
زعل وراح تدين من معارفه
ابفهم كل الفلوس اللي اخذها ولى سدتهم حاسدننا انا وزوجي حتى امه تخلي زوجي يعالج اخته على حسابه وحسابه ما فيه إلا 800 وباقي على الراتب 15 يوم اخته ذي معاها مرض نفسي وتاخذ ظمان وتاهيل شامل وحافز ولى تخليها تتعالج بفلوسها بس تبغى تضغط على زوجي وتخلينا نعيش بفقر


الحين اخوه وضعه دين فوق دين وايجار وكل هذا على قفى زوجي , يا ناس الراتب مايبقى منه شي مايكفي لاخر الشهر

مغبونه زوجي احسه يكرهني يهاوش ويعيشني على القله عشان غيري يترفه بحياته
يحرمني من كل شي حتى حافز يخليني اصرفه للبيت

الحين تهاوشت معه قلت معد بتحمل هذا الذل انت ما عندك شخصيه يستغلونك هم لو يبغون لك الخير ما يحطونك على بساط الفقر ولى عشاني ساكت واراعي وضعك وديونك بتكمل على باقي الراتب وتعيشني على القله زوجت اخوك ما سكتت سحبته لين سوا لها كل شي وعايشين احلى عيشه

طنش كلامي اصلا احس الاسلوب هذا ما يجيب مع الرجال
انا ما اقدر اخلي بيتي واروح لاهلي اصلا ماراح يسال فيني
تعقدت نفسيتي علومني بنات شسوي

كيف اظمن حقي مصروفي على الاقل انا حامل وخايفه ننفصل وياخذ عيالي

انا لو ما عندي عيال ما اجلس لحظه عنده
لو اتطلقت يقدر يا خذهم ؟ اخاف اتعذب مدري شسوي انسان مايقدرني راعيت ظروفه وصبرت عليه حتى ان للان ماعندي مجلس حريم وكل شهر يقول اللي بعده ويوعد ويكذب

يضحك على عقلي لان على نياتي واهلي طيبين

انا ما ابغى اسوي مثل زوجه اخوه وافرقه عن اهله انا بس ابغاه يفكر بمستقبلنا وابغى اعيش مرتاحه ماديا مو مرفهه

يشهد على يابنات اني ما ظلمتهم وانهم هم اللي يعتدون علي وينافقون بيني وبين زوجي حتى المعامله زفت ودايم ياخذون بنتي عندهم بالشقه وانا اجلس وحدي بالساعات مرضت احس اني ضغيفه وما اقدر اخذ حقي