اعيش في مشاكل منذ 14 سنة

السلام عليكم ورحمة الله وبركاته

كيفكم اخواتي يارب يفرج هم كل واحده منكم ويرزقني ويرزقها من حيث لا تحتسب اللهم آمين




حابه اقولكم معاناتي حكيتلكم من قبل عن تسلط اخواني علي وما زالوا وحكيتلكم كيف كانوا يضغطون علي اتزوج بعد ما طلبت منهم يخافون ربهم ويخلوني اتزوج لأنهم كانوا يطردون الناس وتصدقون اخواني زوجوني غصب لرجل اكتشفت ان عنده ثلاث حريم اقسم بالله رجل كبير في السن لما شفته دارت في الدنيا :( وطلبت الطلاق لأن الموضع من اوله كان فيه خداع لي المهم كنت فرحانه بفتك منهم اكتشفت اني وقعت في هم اكبر من الهم اللي انا كنت فيه وان الرجال هذا جاهل ليس متعلم ومزواج شي معلن وشي مسيار واخلاقه اقسم بالله زفت :( والله اني ما تشرطت بس ليه اخواني يسوون كذا ؟؟

تصدقون من 14 سنة وانا اعاني من زوجات اخواني اقل شي يحسدوني عليه حتى الرجال اللي تزوجته جننوني عشان بتزوجه وسوولي مشاكل مالها حد مع انه شاااايب ولا فيه اي ميزة :( والله يلفقون لي تهم اقسم بالله ما سويتها !! نفسي اعرف هم ما يخافون من الله ولا ايش ؟ حتى اخواني اذا جيت ادافع عن نفسي يقولون يالله انقلعي بس والله يطردوني وانا ابكي بس فعلا اللي ما لها أب ما تسوى :( عمري 30 ولا احس بأن لي اي قيمة دايما احس بالاهانة ولا اعرف طعم كلمة أمان حتى ابوي ماشفته مات من وانا صغيرة

احاول قد ما اقدر اني اكون قريبة من ربي وادعي احيانا احس بضيقة وتعب شديد واحس اتمنى الموت وان انا وجودي ماله اهمية حتى شكلي اكرهه

انا مو سلبييييية بس والله تعبت تخيلوا انفسكم مع ناس دايما يحاولون يطلعون لكم مشاكل من تحت الأرض يكرهون انكم تحسون بطعم الراحة ، ما اقدر ادافع عن نفسي ولا احد يصدقني مدري وش فيهم اخواني !!

احاول ارضي ربي ثم والدتي يارب يخليها لي مالي غيرها بس احس تعبانة مو مهم اتزوج متى ما ربي كتب باخذ نصيبي بس متى بفتك من تسلط اخواني ؟؟ تعبت وشيبت قبل الاوان

حسبي الله ونعم الوكيل


اللي تقرأ موضوعي تدعيلي ربي يفرج همومي ويسخرلي اخواني ويبصرهم وياخذلي حقي ممن ظلمني حتى لو كان في نفسها مو شرط تكتب

اسأل الله ان يفرج هم كل واحده منكم عاجلا غير اجل اللهم آمين