ياسبحان الله ولدي قد صار له كذا وكان بطنه منفخ ولما تضربين عليه يطلع له صوت مثل الطبل

ويوم رحت للدكتوره غيرت له الحليت لبيبي لاك لانه خفيف وياسبحان الله راحت الغازات منه وصار الولد ينام زين ولا يصيح بالليل

انا كان ولدي جذي بس بعد ما كمل الخمس شهور خفت المعاناة والله اني كنت اقعد الفجر واوديه الطبيب من كثر البكاء وكنت ابكي معه..

جربت اعشاب طبيعيه مغليه ماكو فايده وجربت الماي غريب ماكو فايده جربت Gas ماكو فايده وعطوني دوا نقط يخفف بشكل بسيط طبعا مع التربيت على الظهر بشكل مستمر تعبت...

لكن بنت خالتي صارت اشطر مني طلبت رضعات من امريكا تمنع الهوى من الدخول وقت الرضاعه وغيرت الحليب اخذت له حليب صويا ودايما تنيمه على بطنه ماشالله بعد ماكان سرته بارزه لي بره دخلت وبطنه خالي من الغازات تقريبا...

وانا تعلمت منها.... وجربي هالطريقه ترى مافي احسن من حليب الصويا منااااسب لجميييع الأطفال وصحي ولا يسبب أي مشاكل ما تحتاجين تغيرين الحليب من المشاكل

ولدي الكبير كان عنده نفس المشكله استخدمت معاه الاعشاب ونقط المغص ولا كان يفيد
في طريقه كتبتها وحده من الاخوات هنا في المنتدى بس ماني فاكره اسم الاخت جزاها الله خير
وهي انه بعد ما تحط الحليب المجفف على المويه في الرضاعه وترجه كويس تفتح الرضاعه وتخليها 5 دقاق عشان الغازات والهوا يخرج وبعدين تعطي طفلها وتقول انها ساعدت كثير جربوا وادعوا لها وبعد الثالث راح تنتهي المشكله الله يعينك ويعين الجميع ويرزقك الولد الصالح .