اغار عليه من امه وهي بعد تغار مني!

السلام عليكم ورحمة الله وبركاته
طبعا واضح العنوان، زوجي وايد متعلق بأهله وضعيف الشخصيه جدامهم. مهما سوو وقالو فينا انا وعيالي وبعد يوقف صوب اهله وبالأخص امه يموت عليها ويخاف منها، وانا كلمتكم قبل عن زوجي هذا ويحب الكلام مع كل انواع الحريم والحجه انه يتكلم معاهن بعفويه. المهم هذي امه حاطه ولدها تحت سيطرتها وهو عارف ان امه تغار اذا سوا شي لي مثلا سفر او هديه او غيره كله ما يسويه خوفا من امه تغار او تتضايق منه. هو وامه لما نجلس مع بعض كل سوالفه مع امه وانا عادي ساكته حتى لو دخلت بالموضوع ما يردو علي كاني جدار المهم انا اطنش هذي امه. لكن اذا بلغلط هو كلمني قدام امه ع طول يبين فوجهها الغيره وهو عارف ويخاف وينزل راسه. واذا مثلا اتصل بي وهو عند امه يكلمني بطريقه كانه يكلم ولد عشان ما تغار. ولما ولدت ف مستشفي كان متردد انه يسالني اذا بغيت شي لانه امه موجوده. لكني انا بادرت وقلت أبغى هذي الاشيا ولما قال زين امه حدقت فعينه. امه كثير واثقه فولدها انه ماراح يحب زوجته كثر ما يحبها هي. انا مالي حق اتكلم لانه هذي امه لكني اغار منهم. وهو قائل لي زمان انه امه خط احمر ولا اتكلم شي عنها يعني تهديد.
حتى السفر ما سافرنا اي مكان بسببها. ومرة بغينا نطلع نسافر بسبب اصراري له وافق لكن علامات الغيره والغضب فوجه امه وهو بعد تغير علي كله بس مبوز ليش؟ لانه امه متضايقه خلاني أتراجع عن السفر.
اي شي تقوله امه ينفذه لا تقولولي هذي امه اوكي على عيني وراسي بس اشوفهم وايد زودوها.
ولما توسوس ولدها علي يتغير علي. في رمضان هي راحت العمره وانا وزوجي الحمدلله زينين مع بعض. الحين بترجع بينقلب علي.