بنات اللي تبي احرامات انا حاضرة
شوفوا موضوعي:
http://forum.hawaaworld.com/showthread.php?t=414733

أهم شي زي ما ذكروا الأخوات:
مناديل للجيب(عشان تحطينها بشنطتك اليدويه)خذي كرتون لأنك بتحتاجينها كثير
مناديل معقمة(ديتول)
أغطية المراحيض تلقينها بصيدلية الشراع اللي بطريق الملك عبدالعزيز جنب شركة الأتصالات
صابون من غير رائحة و الأفضل صابون ديتول
مزيل عرق طبي(فيتشي) و تلقينه بصيدلية الحبيب
شامبو
معقم اليدين السائل و تقينه بصيدلية الشراع اللي قلتلك عليها أو بالحبيب برضو
كريم صغير لليدين(بتحتاجينه كثير لأن الجو بارد و جاف)
معجون و فرشاة أسنان
كمامات للجمرات

و بالنسبه للملابس:
فصلي عالأقل 3 عبايات تكون طولك بالضبط و انتبهي لا تكون طويله لأن بالجمرات بتنظفين الشارع و انتي تمشين و ما يحتاج أوصفلك نظافة الشارع!!!
و جيبيلك 7 قمصان بوال عالأقل..لأن باليوم بتغيرين لبسك أكثر من مره
شال اذا كان الجو بارد(خاصة بعرفه)
مفارش عشان السرير(لأن المفارش اللي بتكون على السرير مش ولابد) حتى لو كانت حملتك أحسن فئه(حصل معاي) و المفارش جديده بس تعبانه و ريحة المصنع فيها و ما يحتاج تجيبين غطا السرير بس المفارش و غطا المخده تكفي
شورتات داخليه و أحسن نوعيه عجبتني لقيتها ب(نعومي) قطنيه و ممتازه و خذي أكبر من مقاسك عشان ما تضايقك
عدد 10 شرابات عالأقل
شراب مبطن عشان الطواف و السعي و تلقينه بدبنهامز(حتى قمصانهم البوالات حلوه) و طولها حلو
فرشا و مشط و استشوار<--- عشان تنشيف الشعر و كثري المطاط حق الشعر
شنطة ماسنجر اللي على جنب عشان أشيائك المهمه وقت الطواف(نقد+جوال+معقم+مناديل+مصحف صغير+مقص صغير)
و لا تنسين كيس الجزم أو شنطة عشان الحرم برضو
خذي معاك أي شي يحمي يدك لما تجمعين الجمرات
و بقولك على فكره حلو و هي أنك تخصصين كل يوم له لبس معين + شراب+لبس داخلي و تصفطينه و تحطينه بكيس بلاستيك (تلقينه بالصناعات الوطنيه) عشان كل يوم تاخذين الجديد و تحطين القديم بكيسه و بكذا تصير شنطتك مرتبه بيوم السفر و لا يتلخبط الوسخ مع النظيف(هذي طريقتي بالعمره و الحج)
شبشب للحمام
جزمتين( وانتي بكرامه)وحده بس للجمرات و وحده للحرم و عرفه
فوط و روب للحمام

و بالنسبه لأدويه:
أي مضاد يناسبك
أدول
بندول
فيتامين سي(الفوار)
فيكس او ابوفاس
أدوية الحساسية
فازلين
لزق روق
كمادات-شاش

الاشياء الثانية اللي ممكن تفيد:
كواية
دبابيس+ ابرة و خيط
و احنا أخذنا معنا من الرياض شنطه صغيره تنباع بمحلات الأواني و حطينه فيها أشياء مهمه ل(عرفه) زي السجاده و الشال و شوي أكلات خفيفه و عصيرات و مويه عشان اذا بالطريق ما توفرت تكون عندك أحتياطات و كتب الأدعيه و اي شي تحسين أنك تحتاجينه برا المخيم


الله يكتب لكم جميعا حج مبرور و ذنب مغفور و سعي مشكور ان شاء الله ....... :27:

ما شاء الله الاخوات ماقصروا الله ييسرها عليكم ان شاء الله ولا تنسين تدعيلنا..:27:.........
كان نفسي احج السنة هذي بس للاسف ابوي ماعنده اجازه.:( ........
ان شاء الله السنة الجاية احج........ قولوا امييييييييييييييين:) ............

مشاء الله الاخوات ماقصرو
ومن تجربه لا تلبسين شباشب عند رمي الجمرات
لانك إذا لبستيها بترجعين بدونهم من الزحام.
والله يتقبل من الجميع صالح الاعمال
وياليت اللي بتحج لا تنسنا من الدعاء

واااااااااااااااااااااااااااااو ياحبي لكم يابنات ماقصرتوا .
بس حبيت اسال وش نوع الشامبو حق الشعر؟؟؟؟؟؟؟؟؟؟ والجسم؟؟؟؟؟؟؟ والصابون؟؟؟؟؟؟ والكريم حق الجسم؟؟؟؟؟؟؟
ومزيل العرق ؟؟؟؟؟؟؟؟؟ لاني احس كل الاشيااااااااااء اللي نستخدم معطره؟؟؟؟؟؟؟؟
( وكم يوم بنستخدمهم اقصد اللي من دون عطر)؟؟؟؟؟؟؟؟؟؟؟؟ وكم يوم ماحنا ممشطين شعورنا!!!!!!!!!!!!!!!!!!!!!!! وياليت ولو اني زودتهاااااااااااااا ابي مسيرة الحج بشكل عااااااااااام يعني اذا وصلنا وش بنسوي ؟؟؟؟؟؟؟؟؟؟؟ وثاني يوم ؟؟؟؟؟وهكذا . وش الاوقات اللي تقريبا بنكون قاعدين في المخيم ؟؟؟؟؟؟؟؟؟؟؟
الله يوفق كل من ردت علي. واللي بتجاوب على السؤال الاخير لها دعوة مميزةةةةةةةة