اغراضك القديمه وش تسوين فيها

سلللللللللللللللللللللام لكل الموجودين

اعتقد احنا الاناث تحديدا نعشق الاحتفاظ ببعض الاشياء القديمة يمكن لاننا متعلقين فيها او يمكن لاننا نحبها ومانقدر نفرط فيها وهالاشياء ممكن تكون ملابس او اكسسوارات او ورده او اوراق واحيانا خرده مالها معنى

انا بصراحه اعشق الذكريات واحن كثير للماضي ومحتفظه بشغلات كثيره قديمه لما اشوفها من فتره لفتره اجلس اضحك واحيانا اتأثر

ياليت كل وحده تنبش اغراضها وتشوف وش عندها شي محتفظه فيه وليش<<< لقافه :42:

ابدأ بنفسي المشكله اشياء كثيره منها اول لبس شريته لولدي وانا حامل فيه ومحتفظه بكل هدايا زوجي ايام الخطبه وشغلات كثير مالها داعي في البيت لكن مرتبه في صندوق حلو وفيه شغلات استحي اقولها لانها تفشل بس وش تقولون حتى امي تقول انت زي العجايز اللي مايرمون شي :)

لا واكتشفت ان بنت خالتي محتفظه بفستان بنتها اللي هالسنه داخله الكليه وطبعا الفستان لما كان عمرها 3 شهور حتى عرضوه في شاشة العرض يوم حفلة تخرجها

وحده من صاحباتي بنت خالتها في الكليه محتفظه امها ببصمة رجلها لما ولدتها اللي بيعملوها في المستشفى وغيرها العجب
شاركونا بالاشياء اللي عندكم او عند غيركم