اغراضهم تنسرق؟!توقعون يتهموني!

السلام عليكم، طابت ايامكن،السالفه ذي قبل سنه تقريباكنت عند عمتي ام زوجي وكان زوجي يقولي ان اهله يفقدون ءذهبهم ،جولاتهم، فلوسهم مبالغ خياليه تنسرق واحيان ضيوف عمتي ينسروق وسلفاتي ،وخواتي كمان يعني فيه حرامي،انا الحمد لله ماانسرقت ولاعندي شي ينسرق جوالي وبطاقتي المدنيه وصرافتي مع زوجي،،المهم زبده الهرج ان جدت زوجي سوت عمليه وجت عند عمتي ورحنا نتحمد لها بالسلامه وكانت مع جدتهم شغاله سبق اشتغلت عند امي. مااضلمها لاكنها ماتهتم لشي مااقول تسرق ولاشي،، جو البنات يمشون جدتهم بعد العمليه عشان تتعود ويتحرك الدم وتعرفون لازم مشي بعد العمليه اخذوها لصاله بقيت انا جالسه والشغاله جت تشيل المفرش تجددونه رفعت المفرش وطارت ال500 حقت الجده من اخوها او من الي زاروها زي ماقلت الشغاله ماتهتم وقمت شلت ال500 بالكيس حق هدايا عند سرير الجده ولماشفت الغرفه فضت طلعوا لصاله قمت لحقتهم، والي تصللي والي تبدل لعيالها والي تطبخ عاد انا جيت للجده واعطيها فلوس من زوجي ،،عاده عندنا نعطي فلوس للكبار اذا شفناهم،،وعند الولادات وهدايا تخبرون كذا تعودنا ، وقلت ياجدتي شوفي فلوسك الي كانت بالمفرش خبيتها بالكيس لما الشغاله قامت تبدل اامفرش نزلت الفلوس وشلتها وقعدت تقولي امانه تاخذينها لو محتاجتها!قلت تسلمين وربي معي خير الله يقومك بالسلامه ،ومن بكره سواء عشاء حماي ورحنا للمشغل ونزين شعورنا وتساريح وخرابيط قبل انزل زوجي عطاني 500 قلت 200 قال مامعي ولمارحت للاستقبال معي عمات زوجي وخواته نحددالخدمه وندفع، طلبت تسريحه وقالت ادفع 250 واعطيتها ال 500 وعطتني الباقي ، جلست انتظر دوري عند جماعه زوجي واسمعاخت زوجي تقول جدتي افقدت 500ريال البارح،شوفي وجهي انحمس حسيت انهم شكوا ان ذي فلوس جدتهم ، وجاني الم براسي وتمالكت نفسي لاني عارفه نفسي وترببتي وديني ماعمري مديت يدي علئ حرام والحمد لله قربت من عمت زوجي وقلت البارحه لما طلعتوا قلت السالفه،،،،،،،،الخ والفلوس حطيتها بكيس الهداياء وعلمت الجده ،،،طنشوا قلت رجعت الفلوس بيدي للكيس،،وطنشت مدري كيف افهمهم ذولي والله مانسبت السالفه ،وبنفس الوقت اقول انا ماسرقت فلوس احد ولاعلي من الي يظلمني يدورن حرامي البيت اكيد يعرفونه،ماعلمت زوجي لانه عصبي وبنفس الوقت محد قالي بوجهي وغير كذا سوالف حريم لوتنفتح ماتنسكر وتصير مصايب مالها من نهايه،، ولما كنت عندهم انفقد جوال عمتهم شوفوا كيف الكلام اسمع الاصوات يمه وش فيه تسال عن جوالها تتصل مغلق قالت لا لا كفايه مو لكذاا عاد ماصارت كل شي ينسرق ،،بنات انا ماشلت السالف من ارضه لاني برئئه وربي يشهد ،اامشكل بنزل بشهر شعبان عندهم، اذا جابوا سيره اعلمهم ، او اعلم عمتي بالسالفه اقول بزمان يوم جدتي عندك صار كذا وكذا ، او انسئ،،،اخاف ينظرون لي كاني حراميه وتصير سوالف السرقه كلها يلبسونياها، محد وجهي كلام صريح وربي يشهد لو اشوف ريال ماخذيته وربي لايحوجني للحرام ولايسلط علي من لايخافه، انا قلت انهم شكوا لما عماته شافوا معي ال500 وان اجدتهم افقدت فلوسها،،اطنش سالفهم احسن، صح تطنش بس اماتوصل يوجهولي كلام اكلهم بااسناني ..خلوكم مكاني زكيف تتصرفون،،دعواتكم