اغراضي ضاعت بالسوق _ مقهوره مره : (

يابنات مرا مضايقه ومقهوره واحس نفسي مخنوووقه
انا ياحلوات رحت اليوم السوق مع اهلي 6 / 9 / 1436 هـ
خلصت اغراض العيد
بس بقيتلي الفتافيت زي الاكسسوار والشنطه والجزمه
وقعدت ادور شنطه
والحمدلله لقيت كل المواصفات الي ابغاها بالشنطه بمحل دبنهامز بس اترددت ومااشتريتها
بسبب سعرها ( 480 ريال )
قلت خليني ادور بالسوق ولما درت لقيت وحده بمحل سعرها ( 100 ريال )
وانبسطت نفس الالوان الي ابغاها وشكلها حلو بس طبعا الي كانت ب 480 احلى
بس برضو الي بـ 100 حلوه واشتريتها وانا مبسوطه لانو الون مو بـ اي محل الاقيه
ولما ركبت السياره اطالع بـ اغراضي ماشفت الكيس الي فيها الشنطه
اوووووووووه مرررررررررره انقهرت ولا حق التأخير الي بالسوق
ومافي وقت ارجع للسوق وادورها لان الوقت مشي ومابقي شي للسحور
ومني عارفه كيف طاحت مني ولآ طاحت من اختي
ومني فاكره اذا انا نسيتها بنفس المحل او لأ !!
....
وقعدت ازعق بالسياره ومقهوره
وماما واختي صارو يهدوني
اختي تقول خلاص انا بشتريها على حسابي
وماما تقول خيره
بس والله انا مو زعلانه عشان سعرها
انا زعلانه لاني ارتحت وخلصت هم السوق وغير كدآّ من اول ادور
واخر شي الكيس يضيع بكل سهوله
....
لكن انا قلبي مابرد وحابه اعرف
في وحده منكم انحطت بموقفي وضاعت منها غرض
وكيف اتصرفت ؟؟؟