اغراض الحج

سجاياا34 :

وعليكم السلام ورحمة الله وبركاته العبايه يكفي اللي تكونين لابستها فقط... وتجيبين معك غطاء قطني وطرحه قطن عشان الاحرام .. شراب اسود ساتر طويل.. مقص صغير للشعر . بعدما تتحللين يوم العيد تلبسين نقاب ساتر اللبس على عدد الايام يكفي ٤ .. يعني ٤ قمصان طويله ساتره لها اكمام قصيره .. وتلبسين تحتها سروال فخاذي ( شورت قطني ضيق ) تلبسينه تحت القميص الطويل عشان يمنع احتكاك الافخاذ مع كثرة المشي في النهار .. الحذاء تلبسين رياضي مريح .. وجيبي معك حذاء شبشب للحمام فقط.. المنشفه خذي مناشف رخيصه ممكن اللي تكون من محل كماليات الوحده بريال ( فوط مطبخ ) تجففي فيها شعرك وترميها .. الفيش مافي عند كل سرير فيش لا .. فيه افياش بجانب الباب عليها الشواحن والجوالات هم حاطين رف عند الافياش اول مايعبي جوالك شحن افصليه.. او اذا جوالك ايفون ويخلص شحنه ممكن تجيبين شاحن متنقل معك .. بالنسبه لشنطة الظهر حطي فيها شاحن متنقل بس خذي شاحن خفيف عشان مايكون ثقيل على ظهرك.. ممكن تحطين فيها سناك اذا حابّه مناديل جيب .. مَهَفّه عشان تحرك لك الهواء الحار.. السجاده خذي سجادة جيب فقط وحطيها معك في شنطة الظهر لان ممكن يأذن وانتم في الشارع وتصلون .. السجاده العاديه لا تاخذين تكفي سجادة جيب لان المخيم يكون فيه سجادات مفروشه مصلى يعني وايضا يوزعون لكل حاج هديه سجاده عاديه.. المصحف لا تاخذين اقرئي من تطبيق المصحف في الجوال يكفي... وخذي اكياس عشان تحطين فيها ملابسك الوسخه ... وخذي حبوب بنادول .. وخذي بابونج اكياس .. عشان يمكن يلخبط نومك وتسوين لك بابونج .. خذي فيتامين سي.. وخذي حبوب فيتامين دال.. فيتامين دال سوي تحليل قبل تسافرين عشان لو ناقص تبدين تاخذين الفيتامين قبل الحج عشان تتنشطين لكثرة المشي.. الفلوس خذي معك بوك صغير حطي فيها فلوس وخلي معك شنطة عاديه في يدك صغيره يكون فيها الجوال والبوك.. الاكل مايحتاج تاخذين فلوس للاكل الحمله توفر لك الاكل كامل مافي وقت ولا جوع وانتي برا.. لان الحمله توفر القهوه بانواعها السناكات بانواعها وثلاجة للزبادي ولبن وايسكريم والوجبات كامله فطور غداء عشاء.. خذي فازلين بدون رائحة مشط للشعر مزيل رائحة العرق بيزلين بدون رائحة فرشاة ومعجون اسنان شامبو شعر وممكن توفره لك الحمله ليفة جسم ومنظف جسم..

وعليكم السلام ورحمة الله وبركاته العبايه يكفي اللي تكونين لابستها فقط... وتجيبين معك غطاء قطني...

&روعة الحياة& :

اذا عندك سناب تابعي ريم شوشيتا امس فقرتها عن احتياجات الحج الله يتمم لك على خير ويرزق كل من يتمنى

اذا عندك سناب تابعي ريم شوشيتا امس فقرتها عن احتياجات الحج الله يتمم لك على خير ويرزق كل من يتمنى