السلام عليكم من العطار زي ماقالت بلوغ واما من الصيدليه لك فوط الوز انا احسن نوع عندي كريم للخياطه وكريم لحلمات الصدر واهم سي الكلسيون تاخذينها فطنيه عشان ترتاحين عليها وللبيبي جيبي زيت ولوشم وبودرة جونسون. مشط فرشه اعواد اذاني شامبو جونسون مقص اظفارللبيبي حفاظ بامبرز حديثي الولاده زيت زيتون. رضاعه بيجون مقاس صغير موية جليكوز مووية غريب الشفاط لتنظيف الانف وهذا الي يخطر في بالي لازم تكتبين ايش الي لك وايش الي للبيبي في ورقه وكم العددعشان ماتتعبي

الله يقومك بالسلامه ويرزقك ولاده ميسره من الصيدليه خذي ميبو وحطي منه عالغرز مره مريح ويساعد في التئام الجرح ومطهر بيتادين تعقمين فيه الجرح وبعدها تنشفين نفسك مزبوط من الرطوبه وتحطي ميبو وتلبسي الفوط الصحيه انصحك اولويز الوردي بعد سمعت ان قشر القهوه تشربينه فترة النفاس مع نخوه وشمر وزنجبيل وتضيفين للحليب في اخر ٢٠ يوم من النفاس فلفل ابيض وفلفل اسود وزنجبيل وماش الطريقه تاخذين مقدار فنجان من كل نوع وتطحنينه وتخلطيها مع بعض وسوي كوب حليب اضيفي له ملعقه صغيره من الخلطه واشربيه للمعلوميه بعضهم يقولون ان الماش يسمن يمكنك الاستغناء عنه دعواتك اني اولد بالسلامه

كل فترة يلاقون الناس دودة بالألويز 
وحده اذكر هنا بالمنتدى صورتها 

فيه انواع كثير احسن منها

عني آخذ فام الوردية من غير اجنحة تجي حجمها مناسب للنفاس وقطنية مريحة ماتحسسك بالرطوبه زي أولويز

رحت امس اخذت حفايظ مواليد عشان ما اتشحدها زي ولادتي الاخيرة ههههههه نسيتها ما اخذت للمستشفى 

وطقم الاستحمام جونسون للاطفال 

يانسون للبيبي ما احب الخرابيط مسكين صغنون

الغسولات من الصيدلية ما احبها 

اغسل بمويه وملح واخر الايام بالارطا وقشر الرمان

والمشروبات اهم شي تاخذين قشر قهوة مهم جدا

وإللي تسأل عن المكيف عادي مايضرك ان شاء الله 

اهم شي تكونين لابسه زين سروال وشراريب وطرحه على الراس
وهواء المكيف مايكون عليك مباشرة 

وخذي زيت زيتون تدهني به والبيبي كمان بعد الاستحمام
وينفع لو يكون ولد مهم ةزيت الزيتون يصير تحطينه على البتاع
عشان مايحرقه البول وانتم بكرامه مع جروح الطهار

اتذكر امي تسوي كذا لولدي :)

وبس هذا إللي عندي إن شاء الله افدتك

مشكورييييييييييييين ع الافاده والله يجعلها بموازين حسناتكم يارب

ما قصروا الخوات للجراحة لا تنسين البتادين تشطفي فيه و أخذي لك شاش عشان تمسحين على الخياطة انا كنت اخاف امسك الجرح و انظفه و التهب علي طلعت روحي فأنتي خففي البيتادين بالموية و غمسي الشاش فيه و امسحي بشويش على الجرح و نفس الشي نشفي الجرح بالشاش او كلينكس السميك تبع المطبخ هو أحلى نوع للتنشيف و لا يتقطع ... المرة و الملح استخدميها بعد ما تطيح الخيوط بالنسبة للمرهم ممكن تاخذي ابو اسد او الكريم الي بتكتبه لك دكتورتك
الله يقومك بالسلامة امين و لا تنسي تبشرينا