اغراض كثير نرميها ما نعرف احد محتاج لها

اكثر من مرة يكون عندنا اشياء ما نحتاجها ونرميها في الزبالة ودي اعرف عوائل فقيرة عشان اعطيها بس مب عارفة كيف اوصل لهم
الا الملابس نحطهم في صناديق كساء
قبل كم يوم كان عندي مجفف للشعر واستشوار اشتريتهم من جديد وتحسفت اني شريته فكنا في بيت اهلي عند خالاتي وقلت يعني ان عندي مجفف للشعر جديد ودي اعطيه حق وحدة فقيرة يقولون لي وش ذي العيارة من يبي مجفف اقول لهم عادي نشتري كرتون دجاج وكم كيس رز ونعطيهم اياه بس فعلا نحصل وحدة محتاجة ذا الشيء ولا وحدة تفاعلت معي
للأسف نرمي اشياء كثيرة لانا مب عارفين ناس محتاجة لذي الاشياء
تخيلوا مرة رمينا اثاث مكون من دروج ومشر ملابس ونملية وطاولة وسرير لان احنا ما نحتاجهم ولا نعرف احد يحتاجهم
ابوي غير اثاث حمامه الله يكرمكم وحمام مجلس الرجال وخزان الماي وخلا العمال يرمونهم في ارض فاضية مقابل بيتنا والنمل كله تراكم عليه لو متبرعين فيه كان احسن
احيانا اشتري غسول للوجه بس ما يعجبني وابي ارميه وكذلك مكياج ولا ادري وين اوديه فاضطر ان ارميه في الزبالة
واشياء كثيرة
احس ان احنا محرومين من الاجر