اغراض لام والمولود

اهلين حبيبتي .. الله يتمم حملك بخير ان شاءالله ويسهل وييسر ولادتك يارب
شوفي احسن شي تشترين اشياء الولاده قبل ماتدخلين الثامن لانه الثامن والتاسع بتكونين مرره تعبانه ولاتقدرين تلفين وتدورين
انا جهزت اغراضي انا و البيبي من الخامس على دخلة الثامن خلصت كل شي كل شي ورتبتهم وحطيتهم بشنطه
بكذا ترتاحين نفسيا وجسديا :) والله يقومك بالسلامه حبيبتي

امين يارب وياك

شكر علي الرد والتفاعل يقلبي

بس وين باقي البنات

الله يتمم حملك بخير اشتري أغراضك من الثامن

اذا انتظرنا للثامن عز الله ماشرينا شي انا بالثالث وهلكانه تعب ودوخه اجل شلون الثامن
اني يالغاليه روحي جهزي اشيا بسيطه ومنها تتفرجي وتاخذي فكره خاصة ان الان وقت التخفيضات
انا ناويه باذن الله وتساهيله الشهر الجاي لو اخذ فكره
والله يسر قلوبنا بشوفة ذريتنا يارب ولايحرم من تمناهم يارب

اهلين ياقمر ..

انا عن نفسي بديت في الخامس تقريبا في نهاايته لان قبل كانت المشيمه نازله وتعرفين لاتتحركين ولا ولا ورحت كم يوم شريت ملابس البيبي بـــــــــس وبقى لي طقم التقديم كنت ابيه من ديور ولا خذيته وجاني الم غريب في اخر بطني في عظمة الـ ... قالت الدكتوره هذي عظام الحوض ومع الحركه الكثيره احتكت في بعض والتهبت ولا اقدر اسوي لك ولا شي هذي عظام ترتاحين تخف تتعبين تزيد بعدها عينك ماتشوف الا النوور ماعاد طلعت ابد بغيت اموت كل يوم اقول ودوني ويعيون لين قبل شهر تقريبا رحنا بعد ما قعدت احلف لي ساعه اني بس اروح للمحل بدون دوران في السوق هو محل واحد واطلع ورحت وخذيت طقم التقديم
بعد ذيك الروحه ماعاد سويت ولا شي يخص النفاس ولا البيبي ولا كأني حامل الا قبل اسبوع رحت وشريت بانيو مع ستاند للبيبي وفرحت قلت بدا الفرج باصير اروح كل يوم ورفضوا :( والحين تخيلي في نص السابع ولا بعد سويت ولا شي وامي تقول ماعاد فيه روحه لين اطلع من الحداد واوديك انا واشوف قد ايش تمشين ولا وديتك بعربيه :( والله يعلم الضغط النفسي اللي انا فيه وخوفي من اني مايمديني اسوي شي والله حاسه اني باتوووهق الله يستر :(

اعذريني عالاطاله بس حبيت اشرح لك الحاله عشان تاخذين احتياطك التجهيز بدري رووعه وكل شي بس له عيبين الاول انك بتجهدين نفسك وتوك في الشهور الاولى وماتعديتي الخطر الشي الثاني انها بتنزل موديلات كثيرررررر على ماتولدين يعني الحين اللي انا شريتها للبيبي ماتحصلينها في المحلات خلاص جابوا غيرها

عسى الله يتمم لي ولك ولكل حامل ويتم خلق وخلقة الحلوين ونشوفهم سالمين معافين يااارب