اغرب موقف مر علي !!

مراحب ياحلوين
الموقف اللي بقوله مستحيل انساه
مره كنت رايحه انا واختي لسوق
ورحت للمكتبه واخذت كتاب ( الرحيق المختوم ) المهم طلعت من المكتبه امشي بروح لاختي كانت اختي بمحل للحلويات
وتجي حرمه تمشي وراي قالت لي يابنت انا معكم يابنت يابنت انا خويتكم !
وتلاحقني انا قلت غريبه لو هي غلطانه
يعني تحسبني وحده من بناتها او خواتها
كان قالت يافلانه مو تقول يابنت انا خويتكم
المهم انا ماوقفت لها ربي سبحانه هو اللي ماخلاني اوقف
اخر علمي بنفسي ادور ع سياره جيب وهي تلاحقني ماوقفت لها امشي وهي تمشي وراي
صحيت بنفسي اتعرف ع المكان اللي انا واقفه فيه كأني صاحيه من النوم
والله العظيم يابنات اني واقفه قدام محل اقول انا وين احس بدوخه مدري وين امشي
رحت لمكان الكراسي وتصلت ع اختي ورجعنا للبيت
والحين كل ماذكر علي الموقف
اقول اللهم لك الحمد والشكر ع لحفظك ولطفك 😭
اتوقعه سحر بس الحمدلله ربي حماني
تكفوووون لا تتركون الاذكار وقبل تدخلون السوق قولوا دعاء السوق واستودع الله انفسكم
والله هاالموقف حاصل لي انا مو احد قايله لي