اغرب هديه

السلام عليكم ورحمة الله وبركاته


اللهم صل وسلم على نبينا محمد
سبحان الله والحمدلله ولا اله الا الله والله اكبر








نحش بالموضوع


طبعا كلنا نفرح بالهدايا بس بعض الهدايا تكون صدمه 😂💔


الموضوع كل وحده تقول اغرب واصدم هديه جتها




ببدا انا
انا سلمكم الله جتني 3هدايا من اغرب ماتكون
الهديه الاولى من زوجي المصون ههههههههههه
اول ماتملكت اتصل وقالي بجيب لك غرض
فعلى طول توقعت انا واهلي انها هديه بما انه عندنا لازم بالملكه طقم او جوال


المهم مالكم في طويله
ترن ترن ويرن الجرس واطلع اخوي الصغير يستلم الهديه


توقعو وش طلعت
ورده وحده حبه وحده لحالها بدون كرت بدون شي ههههههههههههههه ماانسى الكسحه الي انكسحتها ماحييت




الهديه الغريبه الثانيه وحده مهديتني بزواجي طقم اطفال 😂 بس هذي اعرف انها كانت تقصد تقهرني لانه متمشكله معاها


الهديه الثالثه وحده زارتني لما ولدت بنتي وكانت عارفه اني جايبه بنت عطتني ملابس بعمر 3سنوات والعجيب انها حقت ولد والاعجب انها مستخدمه






انا مدري ليه الواحد يهدي اذا مو قادر والله كلمه حلوه وزياره بسيطه بدون تكلف وابتسامه والله احيانا تسوا عن كل شي


وصلى الله وبارك


يالله كل وحده تقول اغرب هديه جتها او جت امها او اختها او او