اغسلي شراعه

السلام عليكم ورحمة الله وبركاته
هذه قصيدة اعجبتني للشاعرة ( الراسية ) واتمنى تعجبكم

جتني من (أشباه الرجال) المناعة
اللي عن علوم الرجولة مقفين
كثر الرمل في عصرنا واتساعه
والـّـا كثر مافي الوطن من مساكين
والا فجنوب افريقا من مجاعة
مافيهم اللي فذمتي يترس العين
كنهم فسوق الرخص مثل البضاعه
لاتقلّبين مواجع الروح تكفين
حنا فعصرن كل مابه فضاعه
ورعن ويلعب في الخلا مع وراعين
شريطهم ماعاد يطرب سماعه
لا صوت لاشعرن ولا فيه تلحين
ياعزتي للي تبيهم طماعه
اشكال لكنها بليا مضامين
وياعزتي للي سمينن ذراعه
ماعاد تجهد به يرقم مزايين
لا جاك أطلقهم تجي به لكاعه
واذا بغيتي فزعته قال :بعدين
واذا قعد عندك ولو ربع ساعه
من هيئته تضرب عليك الشرايين
ولا راح عنك قام ينقل متاعه
ناوي (دمشق)ويتمدّح (فبرلين)
أنا أشهد ان ماعاد تنفع شفاعه
في مثل ذولا تنقلب هالموازيين
المسأله ماهي ترى بس قناعه
المسألة مابه دلال وفناجين
بعض الرجال ان ماغسلتي شراعه
لا.. ماتبرد حرتك فيه سكين