اغلاط كثيره يغلطونها المتزوجات ويجيبون العيد بعد :)

السلام عليكم
للاسف النفسيه راح تجي للعازبات قبل المتزوجات من المواضيع الي نقرأها هنا بالقسم هذا .. للاسف مبالغات ودلع وتصنع زايد .. وللاسف اغلب البنات من اقل مشكله تقول لزوجي طلقني يعني تبيع زوجها على اشياء سخيفه وتناست ان الحياه الزوجيه مشاركه وتنازل وحب وموده واحترام وفرح وزعل ورضى ووالخ


تعالوا نشوف بعض المتزوجات الله يهديهم يصيرون حساسين جدا بشكل مو طبيعي طيب انتي ماتعرفي انك راح ترتطبين بشخص قد يكون غريب او قريب لك وفي كلا الحالتين لكل انسان طبعه الخاص سواء ذكر او انثى .. يعني لازم تتقبلي اشياء حتى لو ماهي عاجبتك وتتغاضي عنها لانك دخلتي على انسان من مجتمع اخر من بيئه اخرى ومن طبع اخر وهو نفس الشي .. لا تشتكي عشان قصر عليكي باتصالاته لأنه مو كل الشباب لهم نفس الطبع .. لا تقارني زوجك بزوج اختك او صديقتك لان لكل شخص حياته ووضعه الاجتماعي ..

نجي للتصنع والمجامله لا تكوني وقحه مع زوجك ولا تجامليه على حسابك .. راح افسرها كيف !!
يعني الحين فيه امور من الطبيعي الانسان يجامل فيها مثل لو قدم لك زوجك مثلا كيكه وحتى لو ماعجبتك لازم تجامليه عشان ماتكسري خاطره لكن مثلا لو شفتي منه طبع مو حلو مثلا تقصيره عن الصلاه لا تجامليه وتسكتي عشان مايزعل منك .. بالعكس كوني مؤدبه معاه واختاري الوقت المناسب وافتحي الموضوع معاه ويكون الكلام بعقلانيه وبأسلوب الترجي بسبب خوفك عليه ووالخ ..

نجي للحاله الماديه وطبعا حدث ولا حرج اغلب الازواج مساكين يدخلون القفص الذهبي وهم مديونين وحالتهم حاله وللأسف القليل من النساء من يقدر هالشي .. تعالوا نتعمق شويا بالموضوع ..
الحين الرجال عليه المهر والقصر والذهب والشقه والاثاث ومن غير صرفيات الهدايا وفواتير واذا ماكان شايل بعض من مصاريف اهله وتجي الزوجه بكل برود تقوله ابي فستان بمبلغ وقدره !!! واذا ماعطاها طلبت الطلاق !!
طيب مافكرتي يا اختي العزيزه ان الريال الواحد له اولويه !! يعني من فين يجيب الشخص الفلوس عشان يرضي زوجته ؟ تبغينه يسرق ؟ أو يطلب الناس عشان زوجته تبغى فلوس ؟ او او او الخ
لازم البنت تقدر زوجها وتمد رجولها على قد لحافها .. انا ما قلت لك انه مالك حق تطلبيه لا بالعكس لك الحق بس نحن هنا لنا هدف وهو التعاون لحياة زوجيه افضل وعدم طلبك للمال هذا تعاون منك له وراح تشيلي عنه هم كبير .. واطلبيه بالضروريات ومن هنا راح تشوفي وشلون الزوج يحس بأنك واعيه وفاهمته ..

نتكلم عن اهل الزوج .. ليش اغلب البنات ماخذين فكره عن اهل الزوج ؟؟ على فكره ام زوجك لو ماتبغاكي ما راحت خطبتك لأبنها فلازم تغيري الفكره من راسك وتكون نيتك صافيه .. احترام اهل الزوج من احترام زوجك مهما كان تعاملهم فقط بادري بالاحترام والحشمه وفي حاله ان التعامل سيء من طرف اهل الزوج ف بالامكان التناقش مع زوجك بحدود الادب ومن غير ما تغلطي عليهم عشان ماتقضي ليلك في بيت اهلك .. :)
زوجي الله يحفظه من اول يوم ملكه تقابلنا فيه قال لي كلمتين كبر بعيني قال أهلي وأهلك لهم احترامهم قبل كل شي مهما يصير .. ودايم احط هالجمله قدامي ووجدت انه صادق لازم نحترمهم في كل الأحوال عشان لاتتأثر علاقتنا ..


انا تطرقت على اهم الامور الي اشوفها منتشره واكيد فيه امور اخرى ولكن نخليها وقت تاني ان شاء الله واتمنى لكم ولي التوفيق والصلاح يارب .. وعسى الله يتقبل صيامنا وقيامنا في هذا الشهر الفضيل ويوفقكم لما يحبه ويرضى ..