اغلقوا افواهكـم فأنوفنـا ازعجتـها رائحـة احاديثــگم

مدخل~

ام علي:
يووه ياام سعود بس تعالي شوفي ابو علي وقت*******كيف يشد حيله ولا مراهق !!!
ام سعود:
حتي انا ابو سعود مدلعني وان رحنا غرفه ********* يااختي بس تعالي شوفي وش يسوي!!
ام علي:
صدق؟ بالله وش يسوي علميني ابي استفيد منكم علميني من هالحركات تكفين
ام سعود:
ماطلبتي غالي *********************


حبيباتي ..../
المحادثة اللي فوق كثرت بوقتنا الحالي ، افشاء مايحدث بينك وبين زوجك وقت النوم بحجج واهيه
يااما تتباهى ان زوجها ذو قوة ورجوله فائرة
واكثر الاوقات يكون زوجها صافطها صفر عالشمال لكن اشقت نفسها بهذي السالفه .
او ../
تسولف عن جهاله وللاسف مافي احد جاهل بوقت الانترنت والايباد والايبود .
او ../
سالفه تجر سالفه على قوله القائل .
يابنات يااخوات حرام عليكم مايكاد يخلو مجلس حريم الا وحدة منهم تعطيهم تفاصيل فيلمها الاباحي نعم اباحي فهي توصف ادق التفاصيل والعياذ بالله بل والله يابنات وصلت بالكثير من الحريم توصف اعضاء زوجها للحريم ( اعذروني على هالكلمه احاول مااجرح القارئات لكن الشي زاد عن حده)،
ليش شرشحتي كرامتك وكرامة زوجك ليش استبحتي خصوصيتك للي يسوي واللي مايسوي !!!؟
باعتقادي الحرمة اللي بس تسولف عن علاقتها الخاصه ماتستاهل انها تكون زوجه او ام تربي جيل لانها للاسف تفتقد للتربيه المحمدية لمدرسه حبيبي محمد صلي الله عليه وسلم .
يابنات اتقوا الله باسرار بيتكم اتقوا الله بأزواجكم راجعوا حساباتكم واربطوا السنتكم فانتم اشر الناس عند الله فلا شك أن ما يحدث بين الزوجين من أمور الاستمتاع، هو من الأمانة التي يجب حفظها ويحرم إفشاؤها .
بغض النظر عن حرمة هالشي لكن حبيباتي كم شفنا صديقات تحولوا لعدوات واصبحوا يستهزأووون ببعض بامور العلاقه الخاصه اعوذ بالله من السنه تجعلنا مهانين امام الله والخلق .
يابنات السوالف كثيرة ليش صرنا سوالفنا اما غيبه او جلسه تفصيليه لليله حمراء بيني وبين زوجي ، حرااام والله حرام هالشي .
بالنهايه حبيت انصحكم ان اصبت فمن الله وان اخطأت فمن نفسي والشيطان .

، عن أبي سَعِيدٍ الْخُدْرِىَّ قال: قَالَ رَسُولُ اللَّهِ صلى الله عليه وسلم: إِنَّ مِنْ أَعْظَمِ الأَمَانَةِ عِنْدَ اللَّهِ يَوْمَ الْقِيَامَةِ الرَّجُلَ يُفْضِى إِلَى امْرَأَتِهِ وَتُفْضِى إِلَيْهِ ثُمَّ يَنْشُرُ سِرَّهَا.

وعنه أيضاً أن رسول الله صلى الله عليه وسلم قال: إِنَّ مِنْ أَشَرِّ النَّاسِ عِنْدَ اللَّهِ مَنْزِلَةً يَوْمَ الْقِيَامَةِ الرَّجُلَ يُفْضِى إِلَى امْرَأَتِهِ وَتُفْضِى إِلَيْهِ ثُمَّ يَنْشُرُ سِرَّهَا. صحيح مسلم.

قال المناوي في فيض القدير: والظاهر أن المرأة كالرجل فيحرم عليها إفشاء سره.



ملاحضه../
النجوم اللي بالمحادثة انا حاطيتها��