اغلى ماعندي بنتي...ادعو ان مايربيها احد غيري....نفسيتي منهارة

رجاء رجاء يامشرفات الله يعافيكم ويفرج عليكم همومكم ويحفظكم من كل مكروة ومرض .....لاتنقلون موضوعي لملتقى حواء...انا عارفة ان هذا مو مكان الموضوع وان مكانة ملتقى حواء ...بس انا تعمدت اكتبة هنا...لاتلوموني ...عشان هنا فية زوار واعضاء وعددهم ماشاء الله كبير.....وملتقى حواء مافية غير الاعضاء...يعني مايقدرون الزوار يشوفون موضوعي...وانا محتاجة دعائهم....يمكن وحدة يكون دعائها مستجاب...لاتحرموني من ادعيتهم....

معليش والله اني اكتب لكم وانا مستحية....كل فترة ادخل منكدة عليكم...والله غصب عني....والله اني اكتب ويدي ترتجف وجسمي كل جهة موجعتني...طبعا موكلها ...ومزيتةبزيت مقري فية الله يطرح فية البركة وشاربة زمزم الله يشفيني ويعافيني ويشفي كل مسلم ومسلمة....
طبعا تعرفوني واللي مايعرفني هذي رابط مواضيعي ...
http://forum.hawaaworld.com/showthread.php?t=1024847
وهذا الثاني...
http://forum.hawaaworld.com/showthread.php?t=1025962

وهذا الموضوع الثالث
http://forum.hawaaworld.com/showthread.php?t=1132295

انا عندي بنت الله يحفظها عمرها سنتين ...والله اني خايفة من الموت عشانها....انا عارفة ان غلطانة ...وعارفة ان الله ارحم مني عليها....بس وش اسوي والله اني خايفة...والله اني اكتب وانا اصيح ودموعي اربع اربع....والله اني وسوست ...احس اني قربت انجن .....الوسواس لعب فيني لعب...كل شوي طالع لي الم....مرة صدري...طبعا إلى الآن الصدر يوجعني والاسباب مجهولة والرقبة وعروق الرقبة والظهر والبطن ونغزات في جسمي والام متنقلة ....حتى خشمي صار يوجعني...والصداااااع....ااخ يالصداع ذبحني ذبح...معاد فية فايدة البندول....اللي يشوفني يقول توحم....غثيان شديد...والناس مايدرون يحسبوني سعيدة ومبسوطة مايدرون وش يجيني اخر اليل ....مايدري غير اهلي وزجي وبس.....
مااقدر انام هواجس وكآبة ووساوس.....كلهم نايمين زوجي وبنتي وشغالتي مافية غيري انا ....انا مليت...ابغى اعيش زي الناس....


ذاك اليوم وانا نايمة وبنتي جنبي ..(.ويجي شي على راسي يقول( والتفت الساق بالساق...إلى ربك يومئذ المساق.....)

واقوم من نومي منهبلة زي المفزوعة والاقي فعلا ساق على ساق.. كرهت النوم كرة واكرة اليل

احلامي تحطمت وانهارت....ملابس شاريتها كنت ابغى اكشخ بها عند زوجي...بقراطيسها في الدولاب مالبست...مالي نفس البس واكشخ ....شلون البس والموت ينتظرني....شلون اموت واترك بنتي لحالها....حتى السبوح خست معاد اتسبح اللا بالعافية والقوة...ياليتني ماتزوجت ولاجبت عيال.....كان ماراح اهتم...والله خايفة على بنتي من هالزمن...بنتي متعلقة فيني ...لو اروح للمطبخ طارت وراي....لازقة...وإذا دخلت الحمام تنتظرني عند باب الحمام..ماودي تتعلق فيني...عشان إذا مت ماتجيها صدمة نفسية وعقد....رحت اخذ لي عمرة يومين وخليت بنتي عند اهلي...صجت اهلي وازعجتهم...ابغى ماما ابغى ماما...متى تجي ماما...وكل ماشافت طيارة قالت ماما تعالي...ويوم رجعت حضنتني ...وطبعا هي ماتعرف تكلم زين كلامها مكسر يالله ينفهم بصعوبة...لان توها صغيرة...تقول إذا جيتي تروحين خذيني معك....مابغى ماما جدة...اللي هي امي واهلي..ويوم جيت اهلي ورقيت فوق شوي...بغت تنهبل تدورني تحسب اني سافرت مكة مرة ثانية...
طولت عليكم بخرابيطي....


الله يعافيكم انا عارفة اني مريضة نفسيا وماادري وش فيني كل مالي واتردى...من سيء لاسواء...
ياليتني اموت انا وبنتي في ليلة وحدة...دعواتكم ان مايربي بنتي غيري.....

الله يعافيكم ادعو اني اشفى واتعافى وارجع لطبيعتي ومايربي بنتي غيري انا وابوها...

يارب ياحي ياقيوم انك تشفيني وتعافيني وترجع لي السعادة وتبعد عني الوساوس والامراض والاوهام..ومايربي بنتي غيري....يارب جعلي اشوفها عروس...
يارب جعل مااحد يربي بنتي غيري...يارب لاتحرم بنتي مني ومن حناني ولاتحرم كل طفل من امة...




واعتذر عن التاخر بالرد وواشكر كل من دعا لي واعتذر عن اللي ارسلو لي خاص ومارديت لهم.....اسفة جدا...بس والله اني دعيت لكم في الحرم ولكل من دعا لي وكل مسلم مسلمة...
استودعتكم الله الذي لاتضيع ودائعة...وحللوني وسامحوني....