اغلى هديــه لاغلى ناس

انا ما عمري سمعت عن كذا بس الي يبي يتصدق عن احد من غير ما يعرف ابرك.......:26:

ذي عند المؤسسات الخيريه ( الحرمين - لجنة مسلمي افريقيا - الندوه العالميه للشباب .....ز)
وغيرها كثير وعناوينها تلاقينها في دليل الهاتف وممكن عن طريق محرك قوقل تدخلين على مواقعهم
وجزاك الله خير على هذا العمل الطيب وانا مره اهداني زوجي عقد لكفالة يتيم وكانت فيه صورة اليتيم
وبياناته واسمي ( الكفيل ) وكانت بالفعل هديه رائعه

بس يا اختي اذا سويت كذا وعطيتها الوصل
كانو فيه شوي من الرياء والرياء زي منتي عارفه والكل عارف انه حرام وبدل ماتكون لك خير تكون لك شر
فأفضل انك تتصصدقين عن الاشخاص اللي تحينهم بدون ماحد يعلم
حتى يكتب لك الاجر والثواب عند الله عزوجل
فأنا قدسمعت بس موكذا بالضبط
قد سمعت انك تروحين لسوبرماركت مثل العثيم وتدفعين قيمه معينه وتأخذي الوصل وتعطينه اههل الحاجه عشان يشترون الاشياء اللي نفسهم فيها
فبدل ماتعطينهم فلوس يضيعونها في اشياء مالها فايده كذا احسن تضمنين لهم اكلهم
لان في عوايل يصير رب البيت متوفي فيأخذون الفلوس اولاده اليتمان والمرهقين في نفس الوقت ويضيعونه على اشياء مالها داعي
هذي الفايده اللي لمسته من خلال هذا الوصل الللي تدفعينه لسبرماركات


وتحياتي:26:

تلقينها عند مؤسسة الوقف باسم وقف الام بكرت حلو وجذاب بقيمة 50 ريال....
فرعهم الرئيسي بالرياض على طريق الملك فهد في شمال الرياض.....

مشكووورين ...

والله يجزاكم خير ويجعلها في موازين حسناتكم


واذا ان هذي الحركه رياء ... بالعكس ... هذي احسها تبين لك ان الشخص يحبك من جد:32: ...

مو مثل اي هديه .. تخلص وتروح فايدتها ...

هذي الهديه تفيدك في الاخره ...

سلامي لكم