الله يسخرها لكم
لو رجعتوها متى تجي الثانية يمكن تطول وانتي في حاجة لخادمة
لازم كل وحدة فيها عيب
أنا اول ماتجي عندناالخادمة ودي ارجعها ماتعجبني وبعدين اتعود عليهاواذا سافرت يضيق صدري عليها
بعدماصارت تعرف شغل البيت زين

معروفات السيلانيات بالتهديد بالسفر كلما تضايقو لكن طنشي ,أمسكي قردك لايجيك أقرد منه ,مادام أنها نظيفه وشايله شغل البيت قومي بعيالك وخلي بنتك الكبيره تساعد على أخوانها ,ولو عندك صغار بوقت الدوام ياتحطينهم عند أمك أو وجهيها برعايتهم الصباح وأنها ماتمسك شي بالبيت بس تمسكهم لحد ماتجين من الدوام ,ومعليش لازم تتحملين نادر ماتلقين شغاله على الكيف .

انا من راي يااختي اصبري عليها ودربيها ووجهيها وحافظي عليها ماجات بالساهل ع الاقل مي اثيوبيه تخافين تقتل وانتي ساعديها قولي انا اطبخ وانتي تغسلين المواعين وانا اغسل بالغساله الاوتوماتيك وانتي تكوين وانا البس عيالي وارتبهم واذا داومت مااخليها تسوي شي الا اذا نامو ومااضغط عليها بالشغل انا كذا اسوي مع شغالتي وعندي غساله اوتوماتيك وغسالة صحون ومجفف وفوق كذا ادلعها عشان تنتبه لعيالي وعندي بنات كبار العصر ينتبهن لاخوانهن ومع كذا صابرين ع الشغالات وش نسوي وبعدين وراك ولاده واذا بدلتيها مارح تجي بديلتها بالساهل


لااله الاانت سبحانك اني كنت من الظالمين

شوفي هي تهدد وبس

فاذا مره قالت ودي مكتب فعلا وديها والبسي عبايتك دامكم بالثلاثه شهور الاولى يابتتركم وتجيك الابرك ان شاء الله يا بتهجد مثل حركات السيرلانكيات تهديد ولسان طويل على الفاضي

بالنسبة لدخولها لغرفتكم زوجك يهاوشها ويطلعها اول ماتدخل وصدقيني ماعاد بتجي عنده

الاطفال مدري والله ماحب افتي يعني انت شيلي اشياء الخطر عنهم من مفاتيح وغيره وقولي لها باب المطبخ يتسكر على طول عشان الاطفال , وجيبي لهم اشياء الحماية من ايكيا اللي تنحط باشياء الكهرب او تمنع الدولايب انها تنقلب مع الثقل واللي تنحط على الحواف الحادة بالطاولات و فيه اشياء تمنع ان الباب يتسكر علي اصابعهم وايضا عندهم شئ يسكر الادراج ممكن بساكو تحصلينها

وركبي كاميرات بالبيت سواء لها ولا لغيرها تصيرين تشوفينهم بالايفون مثلا من وقت دوامك وتطمنين

واستخيري كذا مره

استخيري وربي يكتب لك اللي فيه الخير