افاتح زوجي في الموضوع وإلا لا مترددة

عادي صارحيه حلوه الصراحه
او انتي بادري معه ترا بعض الرجال اذا بادرتي يتغير ويصير نسخه منك 💕

اختاري وقت مناسب وصارحيه ما في مثل الصراحة بين الزوجين بس ب أسلوب لين وجميل
ونصيحة لك لا تقارني أو تقيسي حياتك بالآخرين
سواء بالمنتديات أو باللي حولك
كل رجل وله أسلوبه بالحياة
الله يوفقك ويسعدك بدنياك واخرتك يا رب 🌹

خلي الكتابة والمصارحة الصريحة أخر الحلول .. لأنك بعدها لو ما لقيتي اهتمام بيكون انكسر شيء كبير في قلبك ..


ابديها معه خطوه خطوة ..
عادة بعد الزواج بفتره ومع وجود أطفال يفتر الحب بين الزوج وزوجته .. ويهدا شوي .. هنا مو المطلوب مننا أننا نجي نطلب من الطرف الثاني المبادرة .
لا بادري أنتي , بتقولين بادرت ولبست له وطبخت له و من هالكلام ..


لا أنا اقولك بادري بالقرب منه .. يعني بدل لا تكونين أنتي ع كنبه وهو ع كنبه اجلسي ع نفس كنبته .. امسكي يده ومسجي اصابعه شوي ودلكيها أو جيبي مقص وقصي له أظافره ..
انسدحي ع رجلة وتفرجي ..


لما تأكلون مدي له اللقمة أو لو كنتوا بمطعم مدي له كاستك قولي له ذوق لذيذ طعمه ..
لما تروحين مطعم أو شيء لا تجلسين بعيد عنه , بالعكس قربي منه وخلي أولادك قدامك ..
لما يتأخر لا ترسلين له وينك ! متى تجي !
لا , قولي له اشتقت لك لا تتأخر علي ..
قولي له طمني عليك ..
ومن هالكلام ..


اذا عارفة انه جاي بالطريق جهزي قهوة وحلا او شاهي وبعدي الصغار او اشغليهم بـ شيء ثاني
وصوري له اياها قولي يلا انتظرك نتقهوى سوا ..


لما تروحين لـ اهلك , ارسلي له بشوقك له .. وانك تنتظرين الرجعة للبيت ع أحر من الجمر
عادي قولي له شميت عطر اليوم تذكرت ريحتك , حنيت لها .


قريت مرة لـ دكتورة كانت تقول , ان هذي أحسن طريقة لـ تقريب الرجل لك , لأنه يبدا يبني براسه خيالات الي بـ يصير
لين ترجعين البيت , انك مشتاقه , انك متحمسه , انك تحبينه ,,,فـ طول اليوم يكون فكرة مشغول بهالشيء وانتي كل ساعتين او ثلاث تجددينه له ..


غير لما يجي البيت يلقاك حاطه له شمعتين ولابسه له ,,, تكون مفاجأه صعبه عليه احيانا لـ ان خياله غير مستعد أبدا ..


فـ عشان كذا اقولك صوري له قهوتك اكتبي له , ارسلي له .. بدون حنه واستجواب وذا
هي كلمتين تبين شوقك وحاجتك له و خلاص




كل هذي اشياء صغيرة بس تزيد تعلقه فيك وتقربه منك أكثر , ولو جا يوم وما ارسلتي له بيدورك ووينك , وحتى لو رحتي بيفقدك وينتظر رجعتك
اتركي لـ نفسك بصمه عنده ما يقدر يستغني عنها


وطولي بالك عليه ولا تتوقعين من يوم وليله بيرجع لك وبيجي كله شوق
لـ ان عقله الباطن بيتوقع أنها ليله وليلتين وترجعين لـ طبعك القديم الي هو ع كنبه و أنتي ع كنبه
يوم يومين عشره وبيدري أن هالشيء من جواتك ومن أعماقك ..

الافضل تصارحين زوجك بطريقه غير مباشره عن الموقع وتخلينه هو يقرا و يطبق

كلميه وصارحيه
بكل شي بخاطرك