مدو

ماتهون علي العشره

بس خبرك لسا ماركبنا التلفون

وبشري عسى مطبخك خلص وركبتوه

عطيني انطباعاتك عنه اكيد ماشاء الله طالع جنان




ام خلودي

مبروك اختيار السيراميك وربي يسهل اموركم




امي قلبي

وانا مشتاقه لكم اكثر

اخباري مافي شي جديد قاعدين نأثث حبه حبه حبه حبه .........<<<<< مطولين هههههههههه

أموره


شوفي مطبخي صورته قبل كم صفحه اول ماركبوه صورته مهب واضح بس راضيه عنه 200%

الحمدالله ويارب يركب تليفونك باقرب وقت وتجين وتونسيننا وتفيديننا يالله قولي لنا كان فيه سلبيات واجهتك بيتك

وش الي اعجبك ومقتنعه فيها 100% وش تنصحيننا فيه

مدو

ماشاء الله مبرووووك وربي يهنيك فيه







_ غلطت غلطة عمري اني ماسويت فتحه لشفاط المطبخ اللي يجي فوق الفرن

بلا من فهاوتي الزايده يوم يقولي زوجي تبينا نسوي اقوله لا مالها داعي والحين اعض اصابعي قهر



_ افياش الشاشات والرسيفرات ركزوا عليها مزبوط وخذوا القياسات صح عشان تكون مخفيه وماتبان

احنا افياش الشاشه طالعه تمام بس افياش الرسيفر واللذي منه صايره مرتفعه وباينه وهي المفروض

اننا منزلينها شوي تحت



_ كثروا الافياش في المطبخ كل جدار حطوا فيه فيشين والله انكم بتحتاجونه انا الحمد لله كل جدار فيه فيشين

ومرتاحه مره


_ حتى افياش البيت لاتبخلون فيها كثروها احسن من بعدين تجين والتوصيلات ممده على الارض خخخخخ

وركبوا افياش ثنائيه وثلاثيه مع انه اغلب الاجهزه الحين افياشها ثلاثيه



_ دهانات جوتن البلاستيك نص لمعه كنت متخوفه منها وخصوصا لما قريت هنا انها ممكن تتقشر

طلع هالكلام ابد ابد مو مزبوط بالعكس طالع حلو واذا فيه بقعه امسحها بقطعة قطن مبلله بمويه بس

وماشاء الله ماتأثر


_ الاضاءه البيضا كثروا منها على قد ماتقدرون وخلوها كبار عشان يكون البيت يضوي ضو

الا عاد اذا انتو رومانسيين وتحبون الاضاءه الخافته ونظركم 6 على 6 هذا شي ثاني هههههههههه



_ اللي بتسوي موزاييك عند المغاسل لااااااازم تنتبه لطول المغسله بالاول وعلى اساسها يركبون الموزاييك

انا كنت ابيه يكون بالنص بين المغسله والمرايه لكن المبلطين رفعوه شوي وصار اللي بين المغسله والمرايه

نص سيراميك ونص موزاييك



_ الغسالات سووا لكل غساله تصريف خاص فيها بحيث ان الليّ تبعها يدخل بفتحة التصريف وماينكب مويه على الارض



_ مغسلة مطبخي رخام وطفشتني بالتنظيف لازم كل يوم كلوركس او جف لانها تبقع واي لون يصبغ فيها

تخيلوا البصل صبغ فيها وصارت بقعه موف غير الكركم والزعفران والشاهي

عندي المغسله الستيل اريح بس اهم شي تتركب مزبوووط وبإتقان عشان مسألة تسريب المويه



_ رخام الدرج تبع مداخل البيت لازم يكون فيها ميلان شوي للاسفل (طبعا مايبان ابدا)

لانه اذا كان رخام الدرج مستوي بيدخل عليكم الماء وقت الامطار وهذا اللي حصل معنا في مدخل الحريم

ولا مدخل الرجال تمام



_ التجاويف اللي بالحمامات (اكرمكم الله ) مهمه تشيل خرابيط الاستحمام ازين من تعليق السلات او الرفوف



_ فيه شي زوجي تحسف عليه ولا انا ماعندي ماعند جدتي خخخخ

الا وهو مواصير المكيفات السبليت

بما ان بيتنا دور ارضي ابو الشباب تحسف انه مسلكها بالسطح قال لو مسويها بالجدار بالحوش كان احسن

عاد وجهة نظرته كالآتي

اول شي الهواء بيكون بااارد مره لان المسافه بتكون قصيره بين المروحه اللي بالحوش وبين المكيف

وثاني شي بيكون اوفر من ناحية التمديد لان الظاهر كل متر بــ50 ريال اذا مو ناسيه

وعاد الرجال عند الفلوس تضيع علومهم ههههههههههههههه

وثالث شي اسهل للصيانه



_ عند ابواب البيت الخارجيه صلحوا تصريف للمويه مدري وش اسمها تكون عند باب الشارع من داخل

تجي على اشكال خلية نحل وطوليه عشان اذا جيتي تغسلين حوشك ماتنزل قطرة مويه للشارع

وبعدين تلقين مخالفه من البلديه (غرامه) ملزقه على بابكم<<<< معلومه قديمه بس حبيت اذكركم

لانه احيانا تجينا فهاااوه مو طبيعيه



هذا اللي تذكرته وبعد عصر المخ ههههههههههههه

ان شاء الله تستفيدون

مدو الف مبروووووووك المطبخ مع اني دورته ومالقيته

بس شفت غرفه الحريم نفس مقلطي رووووووووعه

هلا امييره الذوق منووووووووووووووره

مدو


رحت شفت صور مطبخك

ماشاء الله تبارك الرحمن

روووووووعه واذا اكتمل بيطلع ارووووع

ربي يهنيك فيه وتطبخي فيه احلى الطبخات





تذكرت الغاليه لمو (المى الفهد)

وش اخبارها مع السكن وكيف صحتها

تطل عليكم بالملف او لا





حلووووومه من شبكت النت وانا ارسلك عالخاص ابي ابارك لك بالسكن

بس ابد مو راضي يطلع لي خطأ وراسلي الاداره

المهم الف مبروووك وربي يبارك لك في بيتك ويجعله منزل عامر بذكره وتقضون فيه احلى سنين عمركم يارب