يامرحبا يامرحبا
واخيرا الملف انشحن، عمرة مقبولة يامدو والي اعتمروا.
والي مااعتمروا ربي يسهلها علي وعليكم.

سؤالي وشرايكم بالدرج الأسود تتوقعون يطلع حلو زوجي داخل مزاجه وانا خايفه اتوهق ولا يطلع حلو ، ياليت الي سوت او شافت تدلي بدلوها.

السعال الثاني: وش حطيتوا الشبابيك الي تحت والي فوق مع العلم بسوي شتر في الي فوق وش نصيحتكم.
وعندي ثلاث شبابيك طويله على الصالة تبدا من تحت الى الدور الثاني ، تتوقعون تطلع حلوها لو اخليها زجاج معشق والا بيطلع صجة، والا دبل قلاس الي جواها المنيوم.

وفديت طلتكم الحلوة والحياة من جديد.

ملعقه جبن >>>> اسمك ودي نختصره ،، بسميك جبونه ،، وش رايك
الدرج الاسود روووعه وفخم شوفي لبوسه مسويته ،،، ما شاء الله تبارك الله ،،، سوييه بدون تردد
والشبابيك بالعكس اتوقع المعشق بصير حلو ،، بس اختاري نقشات ناعمه

مدو يا مدو

الله يعيننا وياكم يارب

ايوا ريري اتذكر سكنت من قبل عيد الاضحى و باركنا لها < الحمدلله باقي عندي شوي تركيز خخخ

و حلومه ماشاء الله
الف مبروك ياحلوووه و جعله منزل مبارك يارب


ابد يامدو على حطت يدك

خلصنا صبغ داخلي و اخيرن و بدينا تركيب الانارات و الافياش و شرينا اغلب الادوات الصحيه
و تخيلي ماصبغنا خارجي للحين < عكس العالم حمدلله بس

كنا مقريين مع الشركه اللي اتفقنا معهم بروفايل و لما فسخنا العقد و طردناهم
غير زوجي رائيه و قال يبي كسر رخام و للاسف السعر طلع غالي حبتين و الميزانيه تكحح
فماادري حتى احتمال نسوي بويه عادي
يقول زوجي بدور الارخص و العملي ماعاد يهمنا الشكل والله
اهم شي نخلص

و المطبخ

خلصصص من زمان و كلمونا و اجلناهم و قلنا لا تجون لين نكلمكم
و تبين الصراحه انا ماابي اركب لين يخلصون حقين الكهرباء و السباكه عشان يكون البيت مقفل و مااحد يتلقف
و برضو لين نجلي البيت لان بلاط المطبخ مليان جبسس

و ربي يسهلها لنا و لكم

انتي وش صار على مطبخك و خلصتوا بويه
و وش اخترتي الوان



فيلسوفه

هلا بك ياحلوه
ماشاء الله بيتك ذوق ربي يهنيك

الله يبارك فيك و يتمم لها على خير يارب

شوفي كلامي لمدو و تعرفي باي مرحله ^_^

ملعقه

الله يتقبل من الجميع ويالله القبول يارب

الدرج الاسود فخم وجميل وغير الدارج بس متع جدا بالتنظيف يبين فيه الغبار وشوفي لبوس حاطته ورى كم صفحه

والشبابيك دبل جلاس الواجهه عاكس ابيض ودبوس والباقي دبل عادي ودبوس وطالع البيت مرتب ولاهو مظلم وكاتم والمعشق حلو

ملعقه جبن

بالعكس الرخام الاسود يجنن بصراحه تندمت اني ماسويته

يالله الحمدلله

و الزجاج المعشق روعه اذا اخترتي رسمات نعومه و مافيها خرابيط كثير



فيلسوفه على فكره افياشك بناسونيك نفس حقتي بس انا برونزي
لكن انا صناعتها ياباني و كانت اغلى شوي من التايلندي


وعلى فكره اللي يقولون الفا اغلى
ترى تقريبا اسعارها متقاربه لاني اتذكر حسبوا لنا الفا برونز ب 5000 و شي
و افياش بناسونيك طلعت ب 6500 طبعا

بس الفا في بيت اخت زوجي توهم ساكنين من سنتين و مايمدحونها يقولون انها مع كثر الضغط
تدخل عاد مدري والله لكل شي في ناس تذم و ناس تمدح