خواتي ايشلون اقدر اعلق على المدونات فين اسجل؟؟ اسمي

السلامممم عليكم ورحمــــــــــــة الله وبركااااااااااااااااتة

كيفكم ياصبـــــــايا وإيش أخبااااااااااركم.. كل عام وانتم بخييييييييييييييييير .. و وحشتووووني حييييييييييييييييييييييييييييي يل..





أم برهوووم لكِ وحشة والله.. ومبروووك تسجيل ولدك في التمهيدي..


ام سلمى وزهرة كيفكم يالغوالي..



ديني مبروووك التسجيل وعقبال النجاح بـ 100% ان شاءالله..


سوسو مبروك الطابعة والممري..




اما اخباررري..
اوراقي جهزت قبل رمضان وماكان باقي غير التسجل في مدارس تعليم الكبيرات ..
لكن الوزارة وتربية التعليم ما قالولي روحي سجلي في المدارس!!! قالولي راجعينا يوم السبت بتاريخ 9-10
ورحت عندهم وقالولي تسجيل المنقطعات موعندنا!! روحي مركز وسط
ولما رحت المركز قالولي تسجيل المنقطعات يبدأ السبت الجاي مع بداية المدارس!!
فقتلها طيب كيف اسجل اول يوم المدرسة ! متى حيمديني اخيط المريوول
قالتلي لية انتِ ماسجلتي في مدرسة؟ قتلها لأ محد قلي روحي سجلي!!
فقالتلي روحي دوري على المدارس والمدرسة اللي تقبلك جيبيلي ورقة منهم عشان اقدر اسجلك!!
فسرت ادور على ثنويات تعليم الكبيرات وكل مارحت مدرسة قالولي اكتفينا وبعضهم يقولولي التسجيل كان من رجب!!
وجلست تقريبا 3 ايام ادور اخرج من الساعة 7 الصباح وما ارجع الا 1 الظهر وكلهم يقولولي اكتفينا..
وقتها جاني احباااااااااااااط شديد وكل الللي بنيتة انهدم بلحظة..
المهم رجعت البيت عند امي وانا خلاص فقدت الأمل اني اكمل.. وبعدين امي كلمت جارتنا ( موجهه في الرئاسة )
وقالتلنا انة في مدرسة قاعدين يسجلو فيها طالبات وبنتها مُدرسة في المدرسة..
أخذنا العنوان ورحنا ثاني يوم كان يوم الثلاثاء.. وقدمت اوراقي وكل شي كان تمام الحمدلله وقعوني على تعهد على اساس اني ما اسوي مخالفات وبدين قالتلي روحي سوي كشف طبي وحسنا في هذا الكشف من مستوصف لمستوصف لييين الحمدلله مالقينا مستوصف يسوية لنا.. طبعا يوم الربوع كان اجازة فما قدرت اودي الملف .. ورحت يوم السبت قدمت الملف وقبلوني الحمدلله وبعدين قالتلي هذا الاسبووع لاتداومي لأنة الطالبات قليلات ( كلنا 5 طالبات ) وأخذت رقمي وقالت احتمال الربوع تداومو واحتمال السبت قالت حتطسل علينا لما تبغانا نداوم..

والمريووول حكايتة حكااااية..
اول شي المريوول يبغو لونة رصاصي غامق وبلوزة بيضاء..
طبعا مستحيل القى هذا المريول جاهز.. فأشتريت قماش وخيطة عند الخياط..
ودحين المريول يبغالة تعديل في بعض الاشياء ما عجبتني خياطتة فيها..
الله يعين ويسهل..


ايوا وجود دخلتها التمهيدي ومعاها بنت خالها وبنت خالي انا..
والحمدلله مبسوطة معاهم.. :)

وزوجي خلص دراسته في بريطانيا ورجع الحمدلله وبعد شهر او شهرين حيروح يجيب الشهادة ويرجع..
وباقيلنا نستقر في بيييييييييييييت :( انا دحين جالسة مع امي ( وأمي جالسة في بيت جدي ) وعفشنا كلة مكوم في غرفة.. طفش والله..

السلام عليكم
اخباركم ؟؟


جنني المنتدى
صار له فترة ما يفتح عندي
واذا فتح يعلق

شموووووووووووووووووعة .... يا هلا والله .... نورتي القسم ...

ما شاء الله ربنا يوفقك ان شاء الله وتجيبي مجموع حلو ... ومبروك لزوجك التخرج ... وان شاء الله تستقروا على خير ... الله يعينك فعلاً عدم الاستقرار يطفش حتى لو انك عند اهلك ...

سوسو ... مدري كثير ناس يعبوا احبار طابعاتهم عادي ما يصير شي للطابعة ...

زهورة اسألي قبل لا تجربي .... اقصد اسألي عن طريقة التعبئة الصحيحة ...

ميمي ... كيفك ايش اخبارك ...

هلا والله بشوشو وحشتيييييييييييييييني ياللا شدي حيلك انت وميمي نبغى نسبة 100%