افتر راسي .. ساعدوني في تجهيزاتي الله يسعدكم ..

خوذي ثلاث بربتوزات خارجية نيو بورن لان الطفل اول ما يولد بتكون عليه كبيره القطع من صفر لثلاثة
خوذي ٦ الى ٨ بربتوزات خارجية من صفر لثلاثة
خوذي ٦ بربتوزات داخلية من صفر لثلاثة
خوذي خمس مهادات
خوذي ثلاث اطقم استقبال مرتبات من بربتوز خارجي ومهاد و مفرش طقم وواحد منهم خليه نيو بورن علشان اللي يزورونك اول الايام
خوذي مفرشين
و شنطة للبيبي
و اغراض الصيدلية
و سرير اذا ماعندك
عاد اذا ولادتك بالشتاء زودي هيلاهبات وقبعات للراس و البربتوزات تكون اغلبها مخمل او ثقيلة شوي
و الله يعينك يارب

هذه داخليه
شوفي اي شي فيه طقطق مايظهر للناس
لابسيها معه بنطلون او شورت او اللي يريحك
هذه تعتبر بلوزه وبنفس الوقت تمسك الحفاض

الطفل في الصيف تلبسيه
بربتوز داخلي بدون اكمام والشتاء اكمام طويله
و
بنطلون او هيلهوب اذا برد بس يكون وسيع مع البطن
و فوقهم
اللبس الحلو يكون بربتوز كامل او بلوزه وبنطلون جينز
وفوقه
المهاد
والمريله تحتاجيها اذا الطفل ياكل او اذا كان يستفرغ
والافضل تستخدمين الفوط الصغيره لان المريله اشوف انها تضايق الطفل
لانه بيكون منسدح ع ظهره والطقطق عند رقبته
واذا بتطلعين مشوار تدخلي الطفل بالمدس وماتشيلي المهاد منه وخصوصا وقت النوم
واذا انتي في البيت تحطي الطفل على مفرش او جلاسه بدون هزاز


واخيرا الله يقومك بالسلامه
ادخلي ملفي وشوفي مواضيعي فيها كل ماتحتاجه الام والطفل وحتى شنطه المستشفى
بدون زياده او نقص ان شاءالله

واللي انتي حطيتي صورهم هذي بلايز عادية تطقمين عليها بناطيل
وهم حاطينها بربتوز علشان يكون شكل الطفل ارتب
وانا ماانصح فيها الا بعد اربع شهور من ولادة الطفل

و التجهيز اللي قلت لك عليه هذا يكفي للاربعين و شوي الى ثلاث شهور من عمر البيبي
و بعد ماتطلعين تقضي للطفل

بكتب الضروري علشانك
اشتري
٣ قطع بربتوز داخلي مقاس نيو بورن
٣ قطع ملابس خارجيه مغطيه الارجل مقاس نيو بورن
٦ قطع داخلي مقاس ٠-٣
٩ قطع لبس كامل مقاس ٠-٣ واذا الارجل مفتوحه لازم جزم خفيفه او شراب لزوم الكشخه
وماتنسي قبعات خفيفه
٤ مهادات تناسب الوان الملابس و ربط
فوطه واحده مقاس وسط او كبير للحمام وتكون معها قبعه احسن
وحوض للتحميم او اسفنجه
واغراض الصيدليه
وغيرها كثير ادخلي موضوعي علشان ماانسى شي

احس انك كثرتي بربتوزات وخاصه ان الطفل يكبر اول الشهور بسرعه ولايمديك تلسبينها كلها نوعي بالمقاسات افضل