افتقدت ابن زوجي

السلام عليكم
قبل يومين رجعت لبيتي بعد ماتصالحت مع زوجي
بس مدري احس بغصة وفقد ل ابنه
امه جات خذته قبل اسبوع يسافر معاها ومع اخواتها سفرة خارجية ومارح يرجع الا بعد ١٠ ايام
لما جيت البيت سألت عنه قالي ابوه خذته امه معاها يسافر
فرحت له لان امه حنت عليه شوي كانت من قبل ناسيته يوم تزوجت غير ابوه
ومن جهة حزنت مدري ليه وحسيت بشعور فقد له لدرجة صرت ابكي عشانه
كان حبوب كثير وبار فيني مايحب يزعلني ابدا ويوقف بصفي ويساعدني بكل شي
وخايفة امه ماتخليه يرجع يسكن معانا لانها ساكنة بعيد شوي عنا
واخوانه يحبونه كثير وحتى هم فقدوه وزعلو على غيابه احس البيت صار جوه شوي كئيب من دونه لانه كان مسوي جو حلو بالبيت
زوجي طمني قالي الحضانة معاي انا وهي قالت بترجعه بعد السفر لي
ودي اكلمه اتطمن عليه برسالة لانه معاه جوال بس خايفة من امه تعصب او تسوي مشكلة او تسمعني كم كلمة