افتقدت الصداقه الحقيقه...

السلام عليكم ورحمة الله وبركاته

بدخل بالموضوع علي طول وياليت تتذكرو انه كل إنسان يخطيء ومافي انسان معصوم عن الخطأ..

انا انسانه طيبه جداً وكان عندي أصدقاء كثير بس مايكونو مقربين لي ماعدا وحده بس..من كنا بالابتدائي مع بعض نشكي لبعض نحظر مناسبات بعض
كانت أقرب من الأخت وفجأة صارت مشاكل بسبب أختها الكبيره من أبوها وكانت مسيطره ومنعتنا من بعض بعد ماخلصنا الثانوي..
حاولنا تكلم بعض لما تطلع أختها بس كانت تعدي أشهر ولاأقدر اتصل فيها أو تكلمني..
وافترقنا وكل ماأتذكر أيامنا ابكي بحرقه والله...
عدت الأيام وتزوجت وصار عندي أطفال وصديقتي الاولي الي الآن ماتزوجت بعد ماجبت بنتي كان يوم عيد وعديت من عند بيتها وقررت اروح أزورها لأنه خفت اموت وانا ماعرفت عنها شي..
كنت واقفه بري ولاحتى شلت الغطا عن وجهي جات وسلمت على كنت اتمنى احضنها مو بس أسلم والله دمعت عيوننا وللأسف ماقدرت اتكلم أو هي تتكلم إلا عن أخبارنا وبس لأنه أختها المسيطره ماتزوجت كانت زاقفه جنبها ومن عرفت اني جيت لزقت فيها ولاخلتني حتي أخذ رقمها وماحبيت اكون السبب لها بمشكله..
وقلت لها زوريني وكنت بوصف لها بيتي الا شفت اختها تخبط علي أيدها يعني لاتاخذي منها معلومات عن بيتها ماادري ليش كانت تكرهني حسبي الله عليها..
المهم قررت أنساها وادعيلها لأنه مادام موجوده ببيت أهلها ماراح نرجع لبعض..
تعرفت علي وحده أكبر مني بكثير وكنت معاها من قبل زواجي صارت تؤام روحي كنت اكلمها يوميا بالساعات نشكي لبعض نفرح نضحك ضحك مو طبيعي..
حتى بعد زواجنا كنت اطنش زوجي واولادي واكلمها بالساعات حتي زوجي كان يتضايق مني كنت افعل الخدمه بس عشان اكلمها مايعدي يوم الأ اكلمها فيه..
عدت سنين كنت اخدمها بأي شي حتي زواجها كنت سبب فيه من بعد الله وأطفالها كنت سبب فيهم بعد الله لأنها تزوجت قبل زوجها وسافرت حتي للخارج ومارزقها الله واجبرتها تروح لدكتوره وكانت رافضه كان عندها يأس ولما راحت شهر بس وحملت..بفضل الله
كانت تردد على انتي وجهك خير علي وانت السبب في سعادتي والله طول هذي السنين كنت أقولها انا ماسويت شي هذا رزق لك من ربي أرسلني لك وانا مالي دخل هذي أرزاق من الله..
عمري ماضايقتها بشي كنت أفضلها حتي علي جلستي مع زوجي واولادي
المهم أنا سافرت واستغربت منها عدي أكثر من يوم ولاكلمتني..
إلا مره وحده اتصلت وماكنت عند الجوال ولارديت ورجعت اتصلت فيها وكانت تديني مشغول أو ماترد ولاترجع تتصل مع انها عارفه اني مريضه ومسافره وكنت حامل نفسيتي تعبانه ومشاكل...
واتصلت فيها وردت بعد كم يوم وكان صوتي تعبان وأعتقد انها علي بالها اني أصرخ او معصبه عليها..
كنت زعلانه وبعاتبها بس...
مع العلم انه بحملها الأول زعلت مني فجأه وصارت مشكله ورجعت لبعض وكنت اضحك معاها اقول اكيد كنتي متوحمه على..
المهم كان كلامي انه ليش ماأتصلتي ولارديتي علي وانتي عارفه اني مريضه ومسافره
طبعا اللي مخليني اتضايق أنه قبلها بشهر كانت تبغي خدمه مني انه اخلي اخوها ينقل لوظيفة طبعا كنت اروح واجي حتي خليت خالي يخلص موضوعها حتي نوم ماكنت انام عشان موضوعها..وتتصل ولو ماارد عليها تتضايق وتسأل ايش فيكي خوفتيني لو عدت ساعه مارديت ولارجعت اتصلت..
انا من زعلي منها قلت انتي كنت تتصلي كل دقيقه عشان موضوع اخوك والحين بعد ماخلص كل شي طنشتي حتي اتصالاتي ماتردي عليها..
وكلمه مني وكلمه منها كبر الموضوع وصرت أقولها انا حتي وجهي خير عليك يعني الصديق السيء حتي وجهه يصير شر عليك...
وأنا خدمتك كثير وقالت حتي انا سويت لك خدمات وعددتها لي قلت هذي ولاشي عند اللي سويته وحسيت انها بتكبر المشكله وجلست أعيد عليها اني العتاب علي قد المحبه..بس ماكانت تفهم كانت معصبه وتقول ليش الواحد مايصير عنده ظروف لازم أرد..
اللي خلاني امون عليها وازعل لأنه لو مارديت بيوم تضايقت وخافت علي..
ماكنت اتوقع انه عادي عندها لو ماكلمنا بعض بالأيام..
وأول مره تصير كل هذي السنوات ومن غير سبب..
وفجأة دخلنا بمواضيع كبيره لدرجة أنها قالت لو تتصلي والله لاروح لزوجك اخليه يمسكك ويتفاهم معك
رديت عليها وانا بسوي كذا لو حتي ارسلتي لي رساله.. غلطنا علي بعض وقلنا كلام كثير وهددتني حسيت انه كلامنا نزل لمستوى كبير وقلت انا ماأبي أنزل مستواي لاسلوبك ولهذا الكلام خلاص اله يوفقك ويحفظ أولادك..
قالت انتي ظلمتيني انه مااكلمك إلا لمصلحة واللي يضلمني يارب بأولاده يشوفها..
انا هنا تجننت قلت لاتدعي علي أولادي انتي عارفه انهم السبب اني عايشه ادعي على قولي أي شي إلا أولادي وانا عمري ماادعي علي أولاد أحد لأنهم مالهم ذنب حرام.. انا مستحيل ادعي علي أولادك لو ايش مسويه لي..
قالت احنا كذا لو أحد يضلمنا ندعي انه الله يعاقبهم بنفسهم وأولادهم..
واتصلت علي اختي تشكي لها عني واختي قالت معليش هي حامل ونفسيتها تعبانه ورجعت كلمتها قلت لاتتصلي علي أحد واللي بيننا انتهى وقالت ماراح تلاقي صديقه مثلي قلت وانا كمان ماتلاقي مثلي.. كنت أفضلك حتي علي زوجي واولادي اجلس معك بالساعات واطنش زوجي ويتضايق مني الحين خلاص ابغي ألتفت لزوجي واولادي كفايه السنين اللي راحت...
ماانكر انها وقفت معي وقت فرحي وحزني وبمواقف كثير بس اللي صار شي مستحيل كنت اتوقعه انه بنفترق بعد كل هذي المعزه والأخوه وبعد هذي السنين..
عدي شهر كل يوم أفكر بالموضوع وحسيت اني زودتها وفوق هذا اشتقت لها اشتقت لشخص كان قريب مني في كل شي وقررت أرسلها..
وأرسلت انه كانت نفسيتي تعبانه وأنه صار لنا سنين مع بعض ولاعدي يوم ضايقتك فيه وكنتي أكثر من أخت..
وأنا زعلت لأنك اول مره مااتصلتي فيني بالأيام واحنا متعودين نكلم بعض يوميا وانتي عارفه اني مريضه ومسافره..كنت أطمن عليك كل لحظه لما تسافري..
قلت انا لما أتذكر كلامي أكره نفسي لأنه مو عادتي أغلط علي احد خاصة لو قريب مني واعتذرت وشافت رسالتي وطنشت
صار لها أكثر من 3 أيام ولاردت علي..
واليوم قررت أرسلها اعزمها علي زواج اختي وكمان ماردت...


انا والله متضايقة كثير وأتذكر أيامنا مع بعض مو قادره أنساها وماابي اخسرها مثل صديقتي الاولي اللي الي الآن أتذكرها وقلبي يحترق...

ايش أتصرف ساعدوني ماأبي أهين كرامتي أكثر مع العلم انها شخصيتها جدا قويه وانا كانت شخصيتي ضعيفه مرره
وأخذت شوي من شخصيتها وصرت قويه وقدرت اني أغلط واتكلم مثل ماهي تغلط علي أي أحد ولاتخاف...
كانت نيتي طيبه ولاعرفت انه زعلي لأنها طنشتني بيكبر علي بالي بتقول معليش ونرجع عادي...

أكمل حياتي وخلاص أنساها؟
أو ارجع أرسلها مع اني والله كرامتي ماتسمح لي..لاني ارسلت واخاف ماترجع وبالأخير اصير اضحوكه لها انه اترجاها ترجع..

صعب تلاقي صديق قريب منك لدرجة كل تفاصيل حياتك يعرفها.. وهذي المشكله