افتقد الحب والحنان والاهتمام. ادعولي

الله يعينك ويشفيك خلاص اهتمي في عيالك واعطيهم الحب والحنان اللي فقدتيه والله يعوضك ويرزقك بالوظيفه ويعوضك ببر اولادك لك ولاتفكري اعطاك حب واهتمام والا لا لانك لوفكرتي والله راح تتعبين ومافيه احد داري عنك

كان الله في عونك يا اختي
بصراحة اللي تعيشيه معاناة ولكن ما اقدر اقول الا الله يصبرك على اللي انت فيه اكثري من الدعاء لنفسك في جوف الليل والله سبحانه ما يضيع احد حطي كل املك بالله مو باي احد ثاني لا بزوج ولا باهل لان كلهم ما راح ينفعوك
واذا ما حصلت عمل شوفي لك تحفيظ قران وادخلي منها تستفيدي من وقتك الضايع ومنها تقوي ايمانك بالله خلي اكبر همك هو حفظ القران وتربية عيالك اعطيهم كل الحب اللي داخلك صحيح انك محتاجة تصرفي هذا الشعور لزوجك لكن اعتبري هذا اختبار من الله واصبري ومصيره يرجعلك ولعياله وابدا لا تفكري بالطلاق الطلاق مو حل بالعكس كذه انت راح تزيدي الطين بله

وربنا يكون معاك ان شاء الله

الله يرزقك الانس في قربه وبشغلك في طاعته
ويسخرلك خلقه

اختي الغاليه اذكري الله دايم وكرري الدعاء اللهم اني اعوذ بك من الهم والحزن والعجز والكسل
اختي لاتخلين هذي الفكره فراسك ومحور حياتك وتفكيرك واهتمامك انك فاقده الحب ولاهتمام الماضي خلاص انتهى ............. حياتك وعمرك اللي قضيتيها مع اهللك خلاص راحت انسيها او تناسيها التفكير فيها ما يصلح شي ولا يزيد ك الا هم وغم ولو تذكرتيها قولي اللهم أوجرني واخلف لي خيرآ منها
زوجك انا متأكده ان في شخصيته اشياء كثير حلوه لكن انت مركزه ع خرجاته حاولي تتقربي منه اكثر واكثر واهتمي فأولادك ومملكتك وتقربي الى الله كثير بالصلاه والصدقه والدعاء
اختي قل تعالى (ومن اعرض عن ذكري فأن له معيشة ضنكا)
لاتفعلي الحرام ابدآ ولا تعطي لنفسك مبرربأن الحنان المفقود من زوجك ستجدينه عند الغريب خافي الله فالسر والعلن
حاولي تكوين صداقات جارات حاولي تغيري من الروتين يعني اطلبي من زوجك تطلعون البر واستمتعي بعمرك الورقه اذا سقطت لاتعود وحني ع اولادك هم محتاجين حنانك ولا تظنين الطلاق حل والله انه ضياع لك ولأولادك فاصبري والله مع الصابرين
وعليك بالدعاء الدعاء الدعاء فوالله ان له اثر كبير فرااحتك النفسيه ورددي دائمآ فوضت أمري الى الله
اختي اسفه طولت عليك لكن اعذريني وتقبلي نصائحي بصدر رحب

الله يفرج همك يارب ويكشف ضرك