افتكرونى!!!!!!!!!!!!!!!!!!!!!! !!!!!!!!!!!!!!!!!

ودة موضوعى
http://forum.hawaaworld.com/showthread.php?t=1045613
واخر اخبارى
كلمت البنت الاولى اكتر من مرة و ماردتش عليا و بعتلها رسايل و برضه مردتش عليا و بقت عندى المفارش و مش عارفة اعمل فيها ايه؟؟ طلعت نصابة يعنى الله يسامحها
والتانية طلعت نصابة و كتبوا عنها فى المنتديات كلها هى ووالدتها و كانت هتتحبس لولا انها لحقت نفسها فى الاخر وفى مرة دخلت على موضوع منهم وكانت بتقولهم ان النت قاطع عشان مش عارفة تتواصل مع زباينها اللى نصبت عليهم و انا كنت ضيفاها عندى على الماسنجر وكانت بتدخل كتير
و بعدين رضيت عليهم و قلتلهم لاء دى بتدخل على النت كتير و بعدين مامتها تاجرة زيها وكانت ممكن تنزل اعتذار عنها
المهم انها رجعت تكلمنى تانى بعد كدة و اختلقت الاعذار مع انها غير منطقية الا اننى سامحتها و قلت تبدا من جديد و اقف جنبها عشان اساعدها وفتحت امامها طرق جديدة عشان تشتغل بيها
وبعدين قالتى انى مش كويسة عشان كان لازم لما البنات يكلموا عنها وحش فى المنتديات كان لازم ادخل و اقول عنها شعر و انها لاء بنت كويسة و مش نصابة طبعا زهلت من طريقة الكلام طب انا اعرفها منين
وبعدين ماكانتش عايزة تعرف الناس ان مامتها تاجرة زيها ليه معرفش؟؟
المهم انها قالتلى فى الاخر ان مافيش حد يستاهل انه تصادقه يعنى هى احسن من الكل ومحدش يستاهلها على قولها
و الفلوس اللى كنت عايزاها منها مقولتلهاش عليها قلت خليها ممكن تكون محتاجة للفلوس دى
المهم انا دلوقتى مش حابة اصاحب ناس تانية خيفاهم يطلعوا زى اللى قبلهم
وبقيت افكر الف مرة فى انى اكلم اى واحدة على النت خايفة يضحك عليا تانى
وبقت عقدة نفسية
ادعولى بالهداية و الصبر
واسفة ان كنت طولت عليكم