افخاذ الدجاج والناتشوز،،،،،، عشاء لذيذ !!!!

السلام عليكم ياأخواتي هذا الطبق منقول بس شوه لذيذ والاولاد عجبهم نجي للطبخه
ومقاديرها كالتالي :::
افخاذ دجاج ( الفخذ الصغير اللي يسمونه دبوس )
2 م ك زيت زيتون
2م ك كاتشاب
2م ك خل
2م ك سكر
1م ك ماسترد
بصل وثوم وملح وفلفل اسود وسمسم
هذي الاشياء ماعدا السمسم تخلطينهن في الخلاط وتاخذين الافخاذ وتعملين فيهن شقوق بالسكين وتحطين عليها الخلطه السابقه وتخلينهن في الثلاجه لمدة ساعتين اواكثر اذا حبيتي ولما تطلعينهن رشي عليهن 2م ك سمسم واشويهن في الفرن على الشبك وقلبهن على الجهتين لين يحمرن .
نجي للتقديم نحط في صحن التقديم الناتشوز( هي رقائق الجبس المثلثه المصنوعه من الذره ) وهنا وعافيه ..... جربوا تراه لذيذ وتوني مسويته بس مااعرف احط صور
والاولاد مايطيعون يحطولي ( لما اسويه مره ثانيه بحاول احط الصوره ان شاء الله )))