افرازات بنيه قبل و بعد الدورة / تكفون ادخلو

السلام عليكم ..

بنات الله يرزقكم اللي تتمنوه ركززززو بحالتي و طمنوني وربي الكعبة خايفه ..

انا سقطت وسويت عمليه تنظيف وهذي تاااااااني دورة لي بعد الاسقاط
الدورة الاولى كانت بيوم 27 واستمرت 6 ايام تقريبا وبعدها نزلت افرازات بنيه استمرت كم يووم ووقفت وتطهرت // ورجعت نزلت علي بعدها باسبوع افرازات بنيه لكم يوم ووقفت ..


و جا الشهر التاني و نزل دم الدورة علي يوم 28 واستمرت 5 او 6 ايام ..

بس المشكله قبل موعد الدورة التانيه بأربع اياااام نزلت علي افرازات بنيه مستمرة لحد يووم الدورة اللي هوا 28 ........ واستمرت الدورة قلتلكم 6 ايام تقريبا بس لحد دحين ماتطهرت يعني مانزلت الافرازات البيضا .... والافرازات البنيه لحد دحين يعني لها اربع اياااام يعني من يووم ماوقف الدم ..

اش اسوي انا مانزلت عليا افرازات بيضا والافرازات البنيه ماوقفت وماادري اصلي ولا لا ؟؟

و اللي اعرفه وافهمه واللي كان يصير معايا اصلا //// ان الدورة تجيني كانت 6 او 7 ايام وبعدها شويه افرازات بنيه وبعدها اصفر شووووي وابيض وبكدا اتطهر ..

ماني عارفه ليه الدورتين دي صار معايا كدا :(
وماني عارفه اش حكاية الافروات البنيه دي والله بتجنني :(

الله يخليكم قولولي اش يعني اللي يصير / انا رايحه السبت الدكتورة بس طمنوني من صار معاها كدا واش طلع معاها شي يطمن ولا لا ... ؟؟